ஹாலிவுட் பட ஆடிசனில் கலந்து கொண்ட பஹத் பாசில் | தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை | ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி | இந்த வருடத்திற்கான ஓடிடி கதவுகள் மூடப்பட்டு விட்டன : விஷால் எச்சரிக்கை மணி | ஈரோட்டில் ரசிகர்களை சந்தித்த த்ரிஷா | வித்யாபாலன் டிவியில் பார்த்த முதல் பாடல், எது தெரியுமா ? | 'கில்லி' எத்தனை மொழிகளில் ரீமேக் ஆனது தெரியுமா ? | குருவாயூரில் நடந்த 'டாடா' நாயகி அபர்ணா தாஸ் திருமணம் | பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் |
தனுஷின் சொந்தத் தயாரிப்பில் வெற்றிமாறன் இயக்கத்தில் தனுஷ், ஆண்ட்ரியா, ஐஸ்வர்யா ராஜேஷ் மற்றும் பலர் நடிக்கும் படம் 'வட சென்னை'. இப்படத்தின் முதல் பார்வை கடந்த மார்ச் மாதம் வெளியானது. படத்தின் தலைப்பே இது என்ன மாதிரியான கதை என்பதைச் சொல்லிவிடும். படத்தில் கேரம் விளையாட்டு வீரர் ஆக தனுஷ் நடிக்கிறார் எனத் தகவல். அவருடைய காதலியாக ஐஸ்வர்யா ராஜேஷ் நடிக்கிறார்.
சில பல தாமதங்கள், இடைவெளிக்குப் பிறகு இப்படத்தின் முதல் பாகத்தின் படப்பிடிப்பு ஒருவழியாக முடிவுக்கு வந்தது. இப்படத்தின் இறுதிக் கட்டப் பணிகள் தற்போது நடந்து வருகின்றன. முதலில் இப்படத்தை ஜுன் மாதம் வெளியிடத் திட்டமிட்டிருந்தார்கள். அதனால் தான் மார்ச் மாதத்தில் முதல் பார்வையை வெளியிட்டார்கள்.
ஆனால், 'காலா' படம் ஜுன் மாதம் 7ம் தேதி வெளிவருவதால் தற்போதைக்கு 'வட சென்னை' வெளியீட்டை ஆகஸ்ட் மாதம் தள்ளி வைத்திருப்பதாகத் தகவல். 'வட சென்னை' படத்தின் முதல் பாகம் வெளிவந்த பிறகு இந்த வருடத்திலேயே 'மாரி 2' படமும் வெளிவரும்.
இடையில் தனுஷ் நடித்துள்ள பிரெஞ்ச் மற்றும் ஆங்கில மொழிப் படமான 'தி எக்ஸ்ட்ரார்டினரி ஜர்னி ஆப்த பாகிர்' படமும் வெளிவரும்.