ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
நடிகை சாவித்ரியின் வாழ்க்கை வரலாறு கதையில் உருவாகியுள்ள படம் நடிகையர் திலகம். இந்த படத்தில் சாவித்ரியாக கீர்த்தி சுரேஷ் நடித்துள்ளார். மே 9-ந்தேதி இந்த படம் திரைக்கு வருகிறது. இப்படத்தின் பிரஸ்மீட் நிகழ்ச்சியில் கீர்த்தி சுரேஷ் பேசியதாவது...
இந்த படத்தில் நடிக்க வாய்ப்பு வந்தபோது உடனே ஏற்றுக்கொள்ளவில்லை. சாவித்ரியின் வாழ்க்கை படம் என்பதால் நம்மால் அதை பண்ண முடியுமா என்கிற சந்தேகம் ஏற்பட்டது. சாவித்ரியின் சினிமா வாழ்க்கையை விட அவரது சொந்த வாழ்க்கை குறித்த விசயங்கள் தான் இந்த படத்தில் அதிகமாக இடம் பெறப்போவதாக சொன்னார்கள்.
அதனால் ஏதேனும் பிரச்சினைகள் வருமோ என்று பயந்தேன். பின்னர் இயக்குநர் நாக் அஸ்வின் தந்த தைரியத்தால் நடித்தேன். தொடரி படத்தால் தான் நடிகையர் திலகம் படம் வாய்ப்பு வந்தது. எந்த ஒரு படத்தின் கதையையும் ஒரு மணிநேரத்திற்கு மேல் கேட்டதில்லை. சாவித்ரி கதையை மூன்றரை மணிநேரம் கேட்டேன்.
சாவித்ரி போன்று உடைகள், ஹேர்ஸ்டைல் என முழுவதுமாக என்னை மாற்றி நடித்தேன். இரண்டரை மணி நேரம் மேக்கப் போடுவார்கள். மேக்கப் கலைவது வரை என்னால் சாப்பிட முடியாது. அதனால் ஜூஸ் தான் குடித்து வந்தேன். படத்திற்காக உடல் எடையை அதிகரிக்கவில்லை, எப்போதும் போன்று தான் நடித்தேன். இந்த படம் எனது கேரியரில் முக்கிய மைல்கல்லாக அமையும்.
இவ்வாறு கீர்த்தி சுரேஷ் கூறியுள்ளார்.