'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
தமிழ்நாட்டில் ராமானுஜர் போன்று கேரளாவில் வாழ்ந்த மகான் ஸ்ரீ நாராயண குரு. இவரது வாழ்க்கை இதற்கு முன்பே திரைப்படமாக வந்துள்ளது. ஸ்ரீ நாராயண குருவாக, தலைவாசல் விஜய் நடித்து விருதெல்லாம் வாங்கியிருக்கிறார். இந்த நிலையில் கின்னஸ் சாதனைக்காக நாராயணகுருவின் வாழ்க்கையை 51 மணி நேரத்தில் படமாக தயாரித்து சாதனை படைத்திருக்கிறார்கள்.
மலையாளத்தில் விஷ்வகுரு என்ற பெயரில் உருவாகி உள்ள இந்தப் படத்தை விஜேஷ் மணி இயக்கி உள்ளார். புருஷோத்தமன், கைனக்கரி, காந்தியன் சாச்சா, சிவராஜன், சுவாமி சச்சிதானந்தா, உள்பட பலர் நடித்திருக்கிறார்கள். கில்மனூர் ராமவர்மா இசை அமைத்திருக்கிறார், லோகநாதன் ஸ்ரீனிவாசன் ஒளிப்பதிவு செய்துள்ளார்.
படம் பற்றி இயக்குனர் விஜேஷ் மணி கூறியதாவது: இலங்கையில் தயாரான மங்களகமனா என்ற படம்தான் குறுகிய காலத்தில் தயாரிக்கப்பட்ட படமாக கின்னஸ் சாதனை படைத்திருந்தது. அந்தப் படம் 71 மணி நேரத்தில் தயாராகி இருந்தது. நாங்கள் 51 மணி நேரத்தில் முடித்து சாதனை படைத்தோம். பல நாள் திட்டமிடல், கடுமையான ஒத்திகை, நடிகர் நடிகைகளின் ஒத்துழைப்பு இவற்றால் இந்த முயற்சி சாத்தியமானது என்றார்.