டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ்நாடு, ஆந்திரா, கர்நாடகா ஆகிய மூன்று மாநிலங்களில் நடிகர்கள் அரசியலில் குதித்து ஒரு பரபரப்பை ஏற்படுத்தி வருகின்றனர். தமிழ்நாட்டில் ரஜினிகாந்த், கமல்ஹாசன், ஆந்திராவில் பவன் கல்யாண், கர்நாடகாவில் உபேந்திரா ஆகியோர் தீவிர அரசியலில் இறங்கிவிட்டனர்.
இப்போது தெலுங்கானாவில் புதிதாக ஒரு நடிகரும் அரசியல் களத்தில் குதிக்க ஆசைப்படுகிறார். அவர் 'சிவாஜி' படத்தில் ரஜினிக்கு வில்லனாக நடித்த சுமன். தமிழ், தெலுங்கில் பல படங்களில் நடித்துள்ளவர் சுமன்.
சமீபத்தில் அவருடைய அரசியல் ஆசை பற்றி பேசியிருக்கிறார். தெலுங்கானா ராஷ்டிரிய சமிதி கட்சியில் சேரத்தான் அவர் விரும்புகிறாராம். கட்சியின் தலைவரும், மாநில முதல்வருமான சந்திரசேகர் ராவ் அழைத்தால் அந்தக் கட்சியில் சேருவேன் என்கிறார்.
2019ம் ஆண்டு ஆந்திரா, தெலுங்கானா ஆகிய மாநிலங்களில் தேர்தல் நடைபெற இருப்பதால் இரண்டு மாநிலங்களையும் சமாளிக்க மாநிலக் கட்சிகளுக்கு பல புதிய முகங்கள் தேவைப்படுகிறது. அதனால், சுமன் அந்தக் கட்சியில் சேர்ந்தாலும் ஆச்சரியப்படுவதற்கில்லை.
தெலுங்கானா, ஆந்திராவில் ஏற்கெனவே பலர் அரசியலில் குதித்து, எம்எல்ஏ, எம்பி, முதல்வர் ஆகியுள்ளார்கள். சிரஞ்சீவி அரசியல் கட்சி ஆரம்பித்து அடி வாங்கிய பிறகும் இன்னும் பலருக்கு அந்த ஆசை இருப்பது ஆச்சரியமாகத்தான் உள்ளது.