'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
சமீபத்தில் வெளியான 'வேலைக்காரன்' படத்தை தொடர்ந்து பொன்ராம் இயக்கத்தில், சிவகார்த்திகேயன் நடித்து வந்த படத்திற்கு 'சீமராஜா' என்று பெயர் சூட்டப்பட்டுள்ளது. டைட்டிலுடன் கூடிய இந்த படத்தின் பர்ஸ்ட் லுக் சிவகார்த்திகேயன் பிறந்த நாளான பிப்ரவரி 17-ஆம் தேதி வெளியாகவிருப்பதாக சொல்லப்பட்டது.
அதன்படி 'சீமராஜா' படத்தின் பர்ஸ்ட் லுக் நேற்று நள்ளிரவு வெளியானது. சிவகார்த்திகேயனின் ரசிகர்களுக்கு அவரது பிறந்த நாள் பரிசாக 'சீமராஜா' பர்ஸ்ட் லுக்கை வெளியிட்டடுள்ளனராம். 'சீமராஜா' படத்தின் பர்ஸ்ட் லுக்கிலேயே படம் விநாயக சதுர்த்திக்கு ரிலீசாகவிருக்கிறது என்ற அறிவிப்பும் இடம் பெற்றிருக்கிறது.
இந்த அறிவிப்பு சிவகார்த்திகேயன் ரசிகர்களுக்கு மகிழ்ச்சியைத் தந்ததோ இல்லையோ... விநியோகஸ்தர்களுக்கு மகிழ்ச்சியைக் கொடுத்திருக்கும். தன்னுடைய படத்தை தொடர் விடுமுறையில் ரிலீஸ் செய்து வசூலை அள்ளுவதை தன்னுடைய வெற்றி பார்முலாவாக வைத்திருக்கிறார் சிவகார்த்திகேயன். அதையே இந்தப்படத்திலும் கையாண்டுள்ளார்.
மோகன் ராஜா இயக்கத்தில் சிவகார்த்திகேயன் நடித்த வேலைக்காரன் படத்தை ரிலீஸ் செய்யவும் இப்படித்தான் விநாயகர் சதுர்த்தி, ஆயுதபூஜை, கிருஸ்துமஸ் என்று விடுமுறை நாட்களை தேடினார்கள். இப்போதும் அதே தேடல்.