ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் | நடிகர் சங்க கட்டிட நிதிக்கு 50 லட்சம் வழங்கிய சிவகார்த்திகேயன் | விஷாலின் வரவு செலவு கணக்கு: கோர்ட்டில் தாக்கல் | பிளாஷ்பேக்: இசையிலும் சாதனை படைத்த ராஜ்குமார் | ஹாலிவுட் பட ஆடிசனில் கலந்து கொண்ட பஹத் பாசில் | தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை | ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி | இந்த வருடத்திற்கான ஓடிடி கதவுகள் மூடப்பட்டு விட்டன : விஷால் எச்சரிக்கை மணி | ஈரோட்டில் ரசிகர்களை சந்தித்த த்ரிஷா |
நடிகை ஷாலினியின் தம்பி ரிச்சர்ட். காதல் வைரஸ் படத்தின் மூலம் சினிமாவில் அறிமுகமானார். கிரிவலம், நாளை, யுகா, வைரம், பெண் சிங்கம், நேற்று இன்று, அதிபர், கள்ளாட்டம், பழைய வண்ணாரப்பேட்டை உள்பட பல படங்களில் நடித்தார். ஆனால் தமிழில் ஒரு நிலையான இடத்துக்கு அவரால் வர முடியவில்லை. தெலுங்கு படங்களில் ஓரளவிற்கு தாக்குப்பிடித்து நின்றார். அங்கும் அவருக்கு சமீபகாலமாக சரியான படங்கள் அமையவில்லை.
தமிழில் அவர் நடித்த ரெண்டாவது படம் உள்ளிட்ட சில தமிழ்படங்கள் வெளிவராமல் இருக்கிறது. இந்த நிலையில் ரிச்சர்ட் தற்போது ஓ.பி.கூ.ஹா என்ற தெலுங்கு காமெடி படத்தில் நடித்துள்ளார். இதில் ரிச்சர்டுடன் சாக்ஷி சவுத்திரி, சிந்து அபான் நடித்துள்ளனர். நிதி பிரசாத் இயக்கி உள்ளார். அனு ரூபன்ஸ் இசை அமைத்துள்ளார், பாக்யலட்சுமி தயாரித்துள்ளார். இந்த படம் தனக்கு நல்லதொரு இடத்தை கொடுக்கும் என்று நம்பிக் கொண்டிருக்கிறார் ரிச்சர்ட். படம் தெலுங்கில் வெற்றி பெற்றால் அதனை தமிழில் மொழிமாற்றம் செய்து வெளியிடவும் திட்டமிட்டிருக்கிறார்.