பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
மம்முட்டி தமிழ், மலையாளம் என இருமொழிகளில் நடித்துள்ள படம் 'ஸ்ட்ரீட்லைட்ஸ்'. ஷம்சத் ஷைனுதீன் என்பவர் இயக்கியுள்ள இந்தப்படத்தின் இசை வெளியீட்டு விழா நேற்று மாலை நடைபெற்றது. இந்த விழாவில், தான் 'ஸ்ட்ரீட்லைட்ஸ்' படத்தை தமிழிலும் தயாரித்தது ஏன் என விளக்கம் கூறினார் மம்முட்டி.
இந்தப்படத்தின் கதை கேரளாவில் பிழைப்புக்காக வந்து குடியேறி வசிக்கும் தமிழ்க்குடும்பங்கள், குறிப்பாக சிறுவர்களின் பின்னணியில் தான் முழுதுமாக நகர்கிறதாம். கிட்டத்தட்ட பாதிப்படத்திற்கு தமிழ் வசனங்கள் இடம்பெற்றுள்ளதால் இதை அப்படியே தமிழிலும் தயாரித்து வெளியிட்டு விடலாமே என நினைத்து தான் இரண்டு மொழிகளிலும் இந்தப்படத்தை உருவாக்கினாராம் மம்முட்டி.
படத்தின் டிரைலரில் மொட்ட ராஜேந்திரன், “நீங்க நல்லா தமிழ் பேசுறீங்களே.. எப்படி..?” என கேட்க, அதற்கு மம்முட்டி, “எத்தனை ரஜினி படம் பார்த்திருக்கிறேன்” என பதில் சொல்கிறார். இந்த வசனம் தமிழ் ரசிகர்களிடம் படத்தை பிரபலபடுத்த உதவும் என்றாலும், மம்முட்டி இதற்கு முன் அவரது பல மலையாள படங்களிலேயே, ரஜினியை தூக்கிப்பிடிக்கும் விதமாக வசனங்கள் பேசியுள்ளார் என்பதும் குறிப்பிடத்தக்கது.