Dinamalar

உருவ கேலியை புறந்தள்ளி ஜெயித்தவர் நடிகர் இந்திரன்ஸ் : கேரளாவில் சூர்யா பாராட்டு

சூர்யா நடிப்பில் ஆர்.ஜே பாலாஜி இயக்கத்தில் உருவாகியுள்ள கருப்பு திரைப்படம் மே 14ம் தேதி வெளியாக இருக்கிறது. இதனை தொடர்ந்து இதன் புரமோஷன் நிகழ்ச்சிகள் நடைபெற்று வருகின்றன. அந்த வகையில் சமீபத்தில் இப்படத்தின் புரமோஷன் நிகழ்ச்சி கேரளாவில் நடைபெற்றது. பிரபல மலையாள குணச்சித்திர நடிகரும் தேசிய விருது பெற்ற நடிகருமான இந்திரன்ஸ் இந்த படத்தில் ஒரு முக்கிய கதாபாத்திரத்தில் நடித்துள்ளார். கடந்த 2011ல் வெளியான நண்பன் படத்தில் ஒரு சிறிய கதாபாத்திரத்தில் நடித்திருந்த இந்திரன்ஸ் கிட்டத்தட்ட 15 வருடம் கழித்து மீண்டும் கருப்பு திரைப்படம் மூலம் தமிழுக்கு வந்துள்ளார்.

இந்த நிகழ்வில் சூர்யா நடிகர் இந்திரன்ஸ் குறித்து நெகிழ்ந்து பேசும்போது, “நடிகர் இந்திரன்ஸ் சினிமாவில் எப்படிப்பட்ட உருவ கேலிகளை எல்லாம் தாண்டி இந்த இடத்திற்கு வந்திருக்கிறார் என்பது எனக்கு நன்றாக தெரியும். சூரரைப்போற்று படத்திற்காக எனக்கு சிறந்த நடிகருக்கான தேசிய விருது கொடுக்கப்பட்ட அதே நாளில் தான் இவருக்கு 'ஹோம்' படத்தில் நடித்ததற்காக சிறந்த நடிகருக்கான ஸ்பெஷல் ஜூரி தேசிய விருது வழங்கப்பட்டது. தன்னை நோக்கி எழுந்த உருவ கேலிகளை புறம் தள்ளிவிட்டு இன்று தனக்கென ஒரு தனித்துவமான நடிப்பை கொண்டுள்ள இந்திரன்ஸ் எல்லோருக்கும் ஒரு நல்ல முன்னுதாரணம்” என்று கூறியுள்ளார்.

• 
  லலித் மோடியின் பயோபிக்கில் நடிக்கிறாரா ரன்வீர் சிங்?
• 
  பிரபல பாலிவுட் நடிகரின் மனைவியிடம் 16 கோடி மோசடி
• 
  செவிலியர்களின் உடையில் மாற்றம் வேண்டும் : கங்கனா ரணாவத்
• 
  வெற்றியை தேடி ஓடாதீங்க... திறமையை மேம்படுத்துங்க : மனோஜ் பாஜ்பாய்
• 
  'திரிஷ்யம்-3' ஹிந்தி பதிப்பு மாறுபட்ட கதை: அஜய் தேவ்கன்

• 
  ஜூன் 10ல் வெளியாகும் ‛மகுடம்' பட டீசர்
• 
  பிளாஷ்பேக்: ஒரே திரைப்படத்தில் தன் இருபெரும் ஆசைகளை நிறைவேற்றிக் கொண்ட ...
• 
  பிளாஷ்பேக் : நடனத்திற்காக அஞ்சலிதேவி நடித்த படம்
• 
  சுகன்யாவுக்கு 30 வருடம் கழித்து நீதிமன்றத்தில் கிடைத்த ஆறுதல் தீர்ப்பு
• 
  வாகா எல்லையில் ஏஆர் ரஹ்மானின் இசை நிகழ்ச்சி