Dinamalar

சர்ச்சை பாடல் விவகாரம் ; இயக்குனருக்கு ஆதரவாக குரல் கொடுத்த கிச்சா சுதீப்

கன்னடத்தில் துருவ சார்ஜா நடிப்பில் உருவாகியுள்ள படம் 'கே டி ; தி டெவில்'. இயக்குனர் பிரேம் இயக்கி உள்ள இப்படத்தில் பாலிவுட் நடிகரான சஞ்சய் தத்துடன் பாலிவுட் நடிகை நோரா பதேகி ஒரு பாடலுக்கு இணைந்து ஐட்டம் டான்ஸ் ஆடி உள்ளார். கடந்த மாதம் இந்த பாடலின் ஹிந்தி வெர்ஷன் வெளியானது. இந்த பாடல் மிகவும் ஆபாசமாக இருப்பதாக கூறி சர்ச்சை எழுந்தது. பெண்கள் ஆணையம் சஞ்சய் தத் மற்றும் நோரா பதேகி ஆகியோர் நேரில் ஆஜராகி விளக்கம் அளிக்கும்படி சம்மன் அனுப்பும் வரை இந்த விஷயம் சீரியஸ் ஆக சென்றது.

அதுமட்டுமல்ல படத்தின் இயக்குனர் பிரேம் கடுமையான விமர்சனங்களுக்கு ஆளானார். இந்த நிலையில் நடிகர் கிச்சா சுதீப் சமீபத்திய பத்திரிகையாளர் சந்திப்பில் இயக்குனர் பிரேம் இப்படி விமர்சனங்களுக்கு ஆளாவது குறித்து தனது வருத்தத்தை தெரிவித்துள்ளதுடன் அவருக்கு ஆதரவாகவும் பேசியுள்ளார்.

இது குறித்த சுதீப் கூறும்போது, ''வெளியில் இருப்பவர்கள் எப்படி வேண்டுமானாலும் இந்த விஷயத்தை பார்க்கட்டும்.. கருத்து கூறட்டும். ஆனால் நம்மவர்கள் இயக்குனர் பிரேம் இந்த கன்னட சினிமாவுக்கு கொடுத்துள்ள விஷயங்களை கவனித்து பார்க்க வேண்டும். பெற்றோரை பற்றிய பல பாடல்களை, அம்மாவிற்கு சமர்ப்பிக்கும் விதமாக திரும்பத் திரும்ப கேட்கும் உணர்ச்சிகரமான பல பாடல்களை கொடுத்தவர்தான் பிரேம். சில நேரங்களில் அவர் தவறு செய்திருக்கலாம். சில பாடல்கள் சரியாக அமையாமல் போய் இருக்கலாம். அதற்காக அவரை சிறுமைப்படுத்தும் விதமாக விமர்சிப்பது தவறு” என்று கூறியுள்ளார்.

• 
  காக்டெயில் 2 படத்தில் நடிக்க பயந்தேன் : ராஷ்மிகா மந்தனா
• 
  ஹிந்தியில் 'திரிஷ்யம் 3' படப்பிடிப்பு நிறைவு
• 
  60 வயதில் மூன்றாவது திருமணம் : அமீர்கானை விமர்சிக்கும் ரசிகர்கள்
• 
  பிகினி தோற்றம் : கிரித்தி சனோன் வெளியிட்ட தகவல்
• 
  'மாம் 2' படப்பிடிப்பில் குஷி கபூரின் நடிப்பால் அதிருப்தியில் ...

• 
  'மஞ்சும்மேல் பாய்ஸ்' தயாரிப்பாளர்கள் மீது நீதிமன்றத்தில் 1000 பக்க ...
• 
  மோகன்லால் படம் நிறுத்தப்பட்டதாக வெளியானது தவறான தகவல் ; இயக்குனர் ...
• 
  மீண்டும் வெப் சீரிஸில் நடிக்கும் நாகசைதன்யா
• 
  ஒருவர் சம்பாதித்தால் போதும் ; மகனின் மனோபாவம் குறித்து மோகன்லால் ...
• 
  'திரிஷ்யம்' நடிகையின் புகாரை விசாரிக்க ஐவர் குழு அமைத்த ஸ்வேதா மேனன்