Dinamalar

லீடர், காளிதாஸ் 2, ஹாப்பி ராஜ் படங்கள் மற்றும் கடந்த வார படங்களின் நிலை என்ன?

துரை செந்தில்குமார் இயக்கத்தில் ‛லெஜண்ட்' சரவணன் நடித்த ‛லீடர்' படம் எப்படி? வெற்றி படமா என்று விசாரித்தால், அந்த படத்துக்கு நல்ல பப்ளிசிட்டி இருந்தததால் முதல் 2, 3 நாட்கள் நல்ல ஓபனிங் இருந்தது. சமீபத்தில் கூட படக்குழு, அவர் ஆதரவாளர்கள் கேக் வெட்டி கொண்டாடினர். அந்த படத்தின் பட்ஜெட் அதிகம், இயக்குனர் சம்பளம் அதிகம் என்றாலும் விமர்சன ரீதியாக படத்துக்கு நல்ல பெயர் கிடைத்தது. லெஜண்ட் சரவணனின் முதல் படத்தைவிட, இந்த படத்துக்கு நல்ல வரவேற்பு என்பதால் படக்குழு சந்தோஷத்தில் இருக்கிறது. விரைவில் அடுத்த பாகத்தை தொடங்க உள்ளனர்.

பரத் நடித்த காளிதாஸ் 2 படத்துக்கு ஆரம்பம் முதல் பெரிய வரவேற்பு இல்லை. அந்த படக்குழுவினர் பல்வேறு ஊர்களுக்கு சென்று படத்தை விளம்பரப்படுத்தினர். ஆனால், எதிர்பார்த்த லாபம், வரவேற்பு கிடைக்கவில்லை.

ஜி.வி.பிரகாஷ் நடித்த ‛ஹாப்பிராஜ்' படம் தியேட்டரில் பெரிதாக ஓடவில்லை என்றாலும், தயாரிப்பாளர் நஷ்டம் ஆகவில்லையாம். அதனால், அவர்கள் ஹாப்பியாக இருக்கிறார்கள் என்கிறார்கள் கோலிவுட்டில்.

அதேப்போல் சமுத்திரகனி நடித்த ‛கார்மேனி செல்வம்', இலங்கையை கதைக்களமாக வைத்து வெளியான ‛நீளிரா' படங்களுக்கு விமர்சனம் நன்றாக வந்திருந்தாலும் வசூலை ஈட்டவில்லை.

கடந்த வாரம் வெளியான படங்களில் விக்னேஷ் சிவனின் எல்ஐகே படத்துக்கு நல்ல ஓபனிங். ஆனால் விமர்சனங்கள் கலவையாக இருப்பதால் இந்த வார கலெக் ஷன் பாதிப்பு ஏற்பட வாய்ப்பு. வெற்றி படத்தில் அது சேர வாய்ப்பு குறைவு என்கிறார்கள்.

நட்டி நடித்த ‛டிஎன் 2026' படம் பிக்-அப் ஆகி வருகிறது. சின்ன பட்ஜெட் என்பதால் பெரிய பாதிப்பு ஏற்படாது, டிஜிட்டல், சாட்டிலைட் விற்றுவிட்டால் அவர்கள் நிம்மதியாகி விடுவார்கள்.

செல்வராகவன் நடித்த மனிதன் தெய்வமாகலாம் வந்ததே தெரியவில்லை. அதபோல், ரீ ரிலீஸ் ஆன சத்யராஜின் அமைதிப்படை படமும் தோல்வி அடைந்துள்ளது. கென் கருணாஸ் இயக்கி நடித்த யூத் படம் தமிழ், தெலுங்கு சேர்ந்து 100கோடியை தாண்ட உள்ளது என்கிறார்கள்.

• 
  பிரதமரின் வேண்டுகோளை ஏற்று வந்தே பாரத்தில் பயணித்த அனுபம் கெர்
• 
  கேன்ஸ் விழாவில் ஆலியாவுக்கு நேர்ந்த சங்கடம் ; ஆதரவாக குரல் கொடுத்த சோனு ...
• 
  துரந்தர் 2 : ஓயே ஓயே பாடலுக்கு தடை விதிக்க நீதிமன்றம் மறுப்பு
• 
  துரந்தர் 2 : ஓடிடி வெளியீடு இரண்டு வாரம் தள்ளி வைப்பு
• 
  பெண் ஓவியரின் பயோபிக்கில் நடிக்கும் அஞ்சலி சிவராமன்

• 
  புடவைகள் மீது பிரியம் கொண்ட திரிஷா- ஆடை வடிவமைப்பாளர் ஹர் ஷேன்
• 
  ஏ.ஆர்.ரஹ்மான் நேரலை நிகழ்ச்சியின் பாரம்பரிய பூஜை விழா நடைபெற்றது!
• 
  'எல்லோ எல்லோ டர்ட்டி பெல்லோ' படத்தின் பர்ஸ்ட் லுக்: விஷ்ணு விஷால் ...
• 
  சூர்யா படங்களின் வசூலில் முதலிடம் பிடித்த 'கருப்பு'
• 
  எளிமையாக விமானத்தில் சென்றாலும் விமர்சனமா?