Dinamalar

மகா காலேஸ்வரர் கோவிலில் தரிசனம் செய்த சாரா அர்ஜுன்

'தெய்வத்திருமகள்' படத்தின் மூலம் குழந்தை நட்சத்திரமாக அறிமுகமான சாரா அர்ஜுன், மணிரத்னம் இயக்கிய 'பொன்னியின் செல்வன்' படத்தில் இளம் நாயகியாக, ஐஸ்வர்யா ராயின் இளமை கதாபாத்திரத்தில் நடித்திருந்தார். அதன் பிறகு தமிழில் ஒரு ரவுண்டு வருவார் என எதிர்பார்க்கப்பட்ட நிலையில் எதிர்பாராத விதமாக ஹிந்தியில் வெளியான 'துரந்தர்' படத்தில் கதாநாயகியாக நடித்ததன் மூலம் தற்போது இந்திய அளவில் கவனம் பெற்ற நடிகையாக மாறியுள்ளார்.

துரந்தர் படத்தின் இரண்டு பாகங்களும் மிகப்பெரிய வெற்றியை பெற்று இரண்டு படங்களுமே ஆயிரம் கோடிகளுக்கு மேல் வசூலித்துள்ள நிலையில் ராசியான நடிகை என்கிற பெயரையும் பெற்றுள்ளார். இதை தொடர்ந்து ஹிந்தியில் அவருக்கு நிறைய வாய்ப்புகள் தேடி வருகின்றன.

இந்த நிலையில் தற்போது உஜ்ஜைனில் உள்ள மகா காலேஸ்வரர் கோவிலுக்கு சென்று தரிசனம் செய்துள்ளார் சாரா அர்ஜூன். அதிகாலையில் நடைபெற்ற புனித பஸ்மா ஆர்த்தி நிகழ்வில் கலந்து கொண்டு பிராத்தனை செய்தார் சாரா அர்ஜுன். அதன் பிறகு வெளியே வந்து செய்தியாளர்களிடம் பேசிய அவர், “எனக்கு ஒரு வேண்டுதல் இருந்தது. அதனால் இங்கே வந்து இருக்கிறேன். இந்த உணர்வை விவரிக்க வார்த்தைகள் இல்லை. சிறப்பாக எதையும் நான் கேட்கவில்லை. சொத்து, சுகம். வெற்றி இவை மட்டும் தான் எனது வேண்டுதலாக இருந்தது” என்று கூறியுள்ளார்.

• 
  நாகரிகமற்ற கேள்விகள்: கோபமடைந்த மாளவிகா மோகனன்
• 
  பிளாஷ்பேக்: எம் ஜி ஆரை முதன்முதலாக பார்த்து, வியந்து நின்ற சாண்டோ எம் எம் ஏ ...
• 
  நடிகர் முத்துக்காளை மனைவி காலமானார்!
• 
  'கருப்பு' படம் மூன்று நாளில் ரூ.147 கோடி வசூல்
• 
  கார்த்திக் சுப்பராஜ் படத்திற்கு இளையராஜா இசை

• 
  கேன்ஸ் விழாவில் ஆலியாவுக்கு நேர்ந்த சங்கடம் ; ஆதரவாக குரல் கொடுத்த சோனு ...
• 
  துரந்தர் 2 : ஓயே ஓயே பாடலுக்கு தடை விதிக்க நீதிமன்றம் மறுப்பு
• 
  துரந்தர் 2 : ஓடிடி வெளியீடு இரண்டு வாரம் தள்ளி வைப்பு
• 
  பெண் ஓவியரின் பயோபிக்கில் நடிக்கும் அஞ்சலி சிவராமன்
• 
  விவாகரத்து செய்திகளுக்கு மவுனி ராய் கொடுத்த விளக்கம்