Dinamalar

இயக்குனர் மீது 'கும்பமேளா' புகழ் மோனலிசா பாலியல் புகார்

கடந்த ஆண்டு உத்தரபிரதேச மாநிலம் பிரயாக்ராஜில் நடந்த கும்பமேளா மூலம் புகழ்பெற்றவர் மோனலிசா. இதில் பாசி மணி ஊசி விற்ற மோனலிசாவின் கண்களும், அழகும் இணையத்தில் வைரலானது. இந்த திடீர் புகழால் இதன் பிறகு ஏராளமான விளம்பரப் படங்களில் நடித்தார். அதை தொடர்ந்து சினிமா வாய்ப்பும் வந்தது. தற்போது அவர் 2 படங்களில் நடித்து வருகிறாராம். கடந்த சில தினங்களுக்கு முன் திருவனந்தபுரத்தில் பர்மான் கான் என்பவரை இவர் திருமணம் செய்தார். தற்போது இவர் கொச்சியில் கணவருடன் வசித்து வருகிறார்.

இந்நிலையில் மோனலிசா தனது முதல் பட இயக்குனர் சனோஜ் மிஸ்ரா மீது பரபரப்பு பாலியல் புகார் கூறியுள்ளார். இதுகுறித்து அவர் கூறியிருப்பதாவது : டைரக்டர் சனோஜ் மிஸ்ரா படப்பிடிப்பு தளத்தில் என்னிடம் பாலியல் அத்துமீறலில் ஈடுபட்டார். எனக்கு 18 வயது ஆவதற்கு முன் இந்த சம்பவம் நடந்தது. இதுகுறித்து அப்போது என்னுடைய குடும்பத்தினரிடம் கூறினேன். ஆனால் முதல் படம்தானே என்று கூறி அந்த விஷயத்தை அவர்கள் பெரிதாக எடுத்துக் கொள்ளவில்லை.

ஆனாலும் அந்த சம்பவங்கள் என் மனதில் ஆறாத காயத்தை ஏற்படுத்தி உள்ளது. அதனால் டைரக்டர் சனோஜ் மிஸ்ரா மீது போலீசில் புகார் கொடுக்க முடிவு செய்திருக்கிறேன். இதற்காக சட்ட நிபுணர்களிடம் ஆலோசனை நடத்தி வருகிறேன் என்று கூறியுள்ளார் மோனலிசா.

இதற்கிடைசில் மோனலிசா சில மலையாள படங்களில் நடிக்க பேச்சுவார்த்தை நடத்தி வருகிறார்.

• 
  அனைவரும் மறந்து போன 'இந்தியன் 3'
• 
  ஜூன் 19ல் 'ஜில்லா, மெர்சல்' ரீ ரிலீஸ்: விஜய் ரசிகர்களுக்கு 'டபுள்' ...
• 
  இந்த மாதம் வெளியாகும் தனுஷ் 55 பட தலைப்பு, முதல் பார்வை
• 
  இரண்டு சூப்பர் படங்களை மிஸ் செய்த தேஜூ அஸ்வினி
• 
  வெனிஸ் நகரில் திருமண நாளைக் கொண்டாடிய நயன்தாரா, விக்னேஷ் சிவன்

• 
  லலித் மோடியின் பயோபிக்கில் நடிக்கிறாரா ரன்வீர் சிங்?
• 
  பிரபல பாலிவுட் நடிகரின் மனைவியிடம் 16 கோடி மோசடி
• 
  செவிலியர்களின் உடையில் மாற்றம் வேண்டும் : கங்கனா ரணாவத்
• 
  வெற்றியை தேடி ஓடாதீங்க... திறமையை மேம்படுத்துங்க : மனோஜ் பாஜ்பாய்
• 
  'திரிஷ்யம்-3' ஹிந்தி பதிப்பு மாறுபட்ட கதை: அஜய் தேவ்கன்