Dinamalar

2026 சங்கராந்தி : தெலுங்குப் படங்களின் வசூல் நிலவரம்

தெலுங்கத் திரையுலகத்தில் சங்கராந்தி பண்டிகையை முன்னிட்டு பிரபாஸ் நடித்த 'தி ராஜா சாப்' படம் ஜனவரி 9ம் தேதியும், சிரஞ்சீவி நடித்த 'மன ஷங்கர வரபிரசாத் காரு' படம் ஜனவரி 12ம் தேதியும், ரவி தேஜா நடித்த 'பர்த மஹாசாயுலகு விக்ஞாபதி' படம் ஜனவரி 13ம் தேதியும், நவீன் பொலிஷெட்டி நடித்த 'அனகனகா ஒக ராஜு', ஷர்வானந்த் நடித்த 'நரி நரி நடுமு முராரி' ஜனவரி 14ம் தேதியும் வெளிவந்தன.

இவற்றில், பிரபாஸ் நடித்த 'தி ராஜாசாப்' படம் 4 நாட்களில் 201 கோடி வசூலித்ததாக அதிகாரப்பூர்வமாக அறிவித்தார்கள். சிரஞ்சீவி படம் 200 கோடி வசூலைக் கடந்ததாக நேற்று அதிகாரப்பூர்வமாக அறிவித்துள்ளார்கள். இப்படமும் 4 நாட்களில் இந்த வசூலைப் பெற்றுள்ளது.

மற்ற படங்களில் நவீன் பொலிஷெட்டி நடித்த 'அனகனக ஒக ராஜு' படமும், ஷர்வானந்த் நடித்த 'நரி நரி நடும முராரி' படமும் லாபம் தரும் படங்களாக அமையும் என பிரபல தயாரிப்பாளரும், வினியோகஸ்தருமான தில் ராஜு தெரிவித்துள்ளார்.

'பிரபாஸ்' நடித்த 'தி ராஜா சாப்' படம் 200 கோடி வசூலைக் கடந்த படமாக அமைந்தாலும் லாபம் தரும் படமாக அமையுமா என்பது சந்தேகம் என்கிறார்கள். ரவி தேஜா நடித்த 'பர்த மஹாசாயுலகு விக்ஞாபதி' படம் சுமாரான வரவேற்பையே பெற்றுள்ளதாம்.

அமெரிக்க வசூலைப் பொறுத்தவரையில், சிரஞ்சீவி, பிரபாஸ் படங்கள் இரண்டுமே 2 மில்லியன் யுஎஸ் டாலர் வசூலைக் கடந்துள்ளன.

இன்றும், நாளையும் விடுமுறை தினம் என்பதால் அடுத்த வாரம்தான் எந்தப் படம் எந்த அளவு லாபம் தரும் என்பது தெரிய வரும்.

• 
  ஓடிடியில் வெளியாகும் சன்னி லியோன் படம்
• 
  'பார்சி 2' வெப் சீரிஸ் ஆரம்பம் : இயக்குனர்கள் தகவல்
• 
  கணவருடன் முற்றிய பிரச்னை ; நடிப்பில் களம் இறங்கிய நடிகர் கோவிந்தாவின் ...
• 
  என் தந்தை உருவாக்கிய கண்ணாடிச் சுவரை என் மகளுக்காக உடைப்பேன் ; ரன்பீர் ...
• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...

• 
  இனி டாக்டர் ஸ்ரீலீலா
• 
  ‛ஓ பட்டர்பிளை' படத்திற்கு ‛மூன்று முடிச்சு' என தலைப்பு வைக்க நினைத்த ...
• 
  ரவி மோகனுக்கு எவ்வளவு நன்றி சொன்னாலும் போதாது : பாடகி கெனிஷா வெளியிட்ட ...
• 
  சிரஞ்சீவியின் ‛விஸ்வாம்பரா' பார்வையாளர்களை திகைக்க வைக்கும் : ...
• 
  மருத்துவமனையில் நடிகை விசித்ரா வெளியிட்ட பதிவு