Dinamalar

கடைசியாக நடித்த படத்தில் நள்ளிரவு 2 மணிக்கு நடனமாடிய தர்மேந்திரா

பிரபல பாலிவுட் சீனியர் நடிகரான தர்மேந்திரா கடந்த நவம்பர் மாதம் தனது 89வது வயதில் வயோதிகம் காரணமாக காலமானார். அந்த வயதிலும் கூட அவர் கடைசியாக இக்கிஸ் என்கிற படத்தில் நடித்திருந்தார். அவரது மறைவுக்குப் பிறகு கடந்த சில தினங்களுக்கு முன்பு அந்த படம் சமீபத்தில் வெளியானது. அந்த படத்தில் தர்மேந்திரா நடனமாடும் ஒரு காட்சி ரசிகர்களை உற்சாகப்படுத்தியுள்ளது. இந்த காட்சி படமாக்கப்பட்ட விதம் குறித்து நடன இயக்குனர் விஜய் கங்குலி கூறும்போது தர்மேந்திராவின் அர்ப்பணிப்பு, உழைப்பு பற்றி சிலாகித்து கூறியுள்ளார்.

“இந்த பாடல் காட்சி தர்மேந்திரா மற்றும் அவரது கல்லூரி நண்பர்கள் அனைவரும் மீண்டும் ஒன்று கூடும் ஒரு நிகழ்ச்சியில் பாடும் விதமாக படமாக்கப்பட்டது. அப்போது இரவு மணி இரண்டு இருக்கும். நடன கலைஞர்கள் அனைவரும் ஆடுவதற்கு தயாராக இருக்க தர்மேந்திரா என்னிடம் வந்து, இந்த நடனத்தில் நானும் இருக்கிறேனா என்று கேட்டார். அதற்கு அவரிடம் இது கொஞ்சம் கடினமான ஸ்டெப்ஸ்.. சில நிமிடங்கள் நின்று கொண்டே முன்னால் இருப்பவரின் தோள்களைப் பிடித்துக் கொண்டு சாய்ந்தவாறு ஆட வேண்டும்.. அது உங்களுக்கு சிரமமாக இருக்கும் என்று கூறினேன். ஏன் என்னால் அது முடியாதா என்று கூறி அதை சவாலாக எடுத்துக் கொண்டு அந்த காட்சியில் நடனம் ஆடினார் தர்மேந்திரா.. இந்த வயதிலும் கூட நடிப்புக்கான அவரது அர்ப்பணிப்பு உணர்வு என்னை ஆச்சரியப்படுத்தியது” என்று கூறியுள்ளார் நடன இயக்குனர் விஜய் கங்குலி.

• 
  மீண்டும் இணையும் விஜய் சேதுபதி - தியாகராஜன் குமாரராஜா! நாளை பர்ஸ்ட் லுக்!
• 
  'இருமுடி' படத்தில் காவேரி ஆக பிரியா பவானி சங்கர்!
• 
  பாலகிருஷ்ணா 111வது படத்தில் நயன்தாரா மாற்றமில்லை!
• 
  பான் இந்தியா படங்களோடு மோதும் கென் கருணாஸின் 'யூத்'
• 
  மீண்டும் விஜய் பட தலைப்பில் புதிய பட அறிவிப்பு!

• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா
• 
  ரூ. 40க்கு தனது சாப்பாடு தரும் அர்ஜித் சிங்