Dinamalar

வலது கையை ஹீரோவாக்கிய பஹத் பாசில்

கடந்த இரண்டு மாதங்களுக்கு முன்பு மலையாளத்தில் பஹத் பாசில் நடிப்பில் ஆவேசம் என்கிற படம் வெளியானது. ரோமஞ்சம் படத்தின் மூலம் பிரபலமான இயக்குனர் ஜித்து மாதவன் இந்த படத்தை இயக்கியிருந்தார். ரங்கா என்கிற ஒரு கேங்ஸ்டர் கதாபாத்திரத்தில் பஹத் பாசில் நடித்திருந்தார். அதேசமயம் ஆக்ஷனுடன் காமெடிக்கும் சம முக்கியத்துவம் கொடுத்து இந்த படம் உருவாகி இருந்தது. அதிலும் குறிப்பாக பஹத் பாசிலின் ரங்கா கதாபாத்திரத்தின் வலது கையாக அம்பான் என்கிற கதாபாத்திரத்தில் நடித்திருந்த சஜின் கோபுவின் காமெடி கலந்த நடிப்பு ரசிகர்களிடம் வரவேற்பை பெற்றதுடன் அவரை வெளிச்சத்திற்கும் கொண்டு வந்தது.

இதற்கு முன்பு சின்ன சின்ன கதாபாத்திரங்களில் நடித்து வந்த சஜின் கோபு ஆவேசம் படத்தின் மூலம் பிரபலமானதை தொடர்ந்து தற்போது புதிதாக உருவாக இருக்கும் படம் ஒன்றில் கதாநாயகனாக நடிக்க இருக்கிறார். இந்த படத்தை ஆவேசம் பட இயக்குனர் ஜித்து மாதவன் மற்றும் பஹத் பாசில் இருவரும் இணைந்து தயாரிக்கின்றனர். அது மட்டுமல்ல இன்னொரு ஆச்சரியம் என்னவென்றால் இந்த படத்தை இயக்குவதன் மூலம் இயக்குனராக அறிமுகமாகும் ஸ்ரீஜித் பாபு கூட ஆவேசம் படத்தில் ஹாஸ்டல் வார்டன் கதாபாத்திரத்தில் நடித்தவர் தான். கதாநாயகியாக வளர்ந்து வரும் இளம் நடிகையான அனஸ்வரா ராஜன் நடிக்க இருக்கிறார். இந்த படத்தின் படப்பிடிப்பு நேற்று பூஜையுடன் துவங்கி உள்ளது.

• 
  வருகிற கிறிஸ்துமஸ்க்கு திரைக்கு வரும் பேபி ஜான்
• 
  படத்திற்கு படம் எனது வேடத்தில் ஒரு தாக்கத்தை கொடுக்க விரும்புகிறேன் : ...
• 
  கங்கனாவின் எமர்ஜென்சி செப்., 6ல் ரிலீஸ்
• 
  நாய்களுக்கு 45 கோடி ஒதுக்கிய மிதுன் சக்ரவர்த்தி
• 
  செவி திறனை இழந்த பாடகி

• 
  முதன்முறையாக மோகன்லாலுடன் இணைந்த அய்யப்பனும் கோஷியும் இசையமைப்பாளர்
• 
  வெளியான ஒரே வாரத்தில் 2-ம் பாகம் அறிவிப்பு ; முக்கிய வேடத்தில் இணைந்த ...
• 
  4 வயது சிறுமிக்கு பாலியல் தொல்லை: மலையாள காமெடி நடிகர் மீது போக்சோ வழக்கு
• 
  லூசிபர் இரண்டாம் பாகத்தில் இணைந்த சலார் நடிகர்
• 
  உன்னி முகுந்தன் படம் மூலம் நடிகராக அறிமுகமாகும் திலகனின் பேரன்