Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

அடுத்தடுத்த படங்களுக்கும் தொடர்ந்து இடையூறு செய்தார் ஞானவேல் ராஜா : அமீர் வெளியிட்ட புதிய தகவல்

01 டிச, 2023 - 19:21 IST
எழுத்தின் அளவு:
Gnanavel-Raja-continued-to-disturb-the-subsequent-films:-New-information-released-by-Aamir

பருத்திவீரன் படம் தொடர்பாக இயக்குனர் அமீருக்கும், படத்தின் தயாரிப்பாளர் ஞானவேல் ராஜாவுக்கும் இடையே நடைபெற்று வந்த வழக்கு மற்றும் கருத்து வேறுபாடுகள் கடந்த சில நாட்களாகவே ஒவ்வொன்றாக தொடர்ந்து வெளியாகி வருகின்றன.

ஒரு பக்கம் அமீருக்கு ஆதரவாக பிரபல இயக்குனர்கள், நடிகர்கள் என பலரும் தங்களது குரலை ஒலித்து வருகின்றனர். அமீரை தேவையில்லாமல் விமர்சித்து அதன்பிறகு பல பக்கங்களில் இருந்து கண்டனம் வந்ததும் வருத்தம் கேட்பதாக கூறி கைஎழுத்திடப்படாத ஒரு அறிக்கை ஒன்றை வெளியிட்டு அமைதியாகிவிட்டார் ஞானவேல் ராஜா.

அதே சமயம் இயக்குனர் அமீர் தற்போது ஒரு சேனல் ஒன்றுக்கு தொடர்ந்து அளித்து வரும் பேட்டியில் பேசும்போது, “பருத்திவீரன் படத்தோடு பிரச்சினை நின்றுவிடவில்லை. அதன் பிறகு யோகி படத்தை தயாரித்து நடித்து அதன் ரிலீஸுக்காக லேப் வாசலில் நான் காத்து நின்றபோது அந்த படத்தை வெளியிடக் கூடாது என்று கூறி ஒரே ஒரு நபர் மட்டும் கோர்ட்டில் மனு தாக்கல் செய்தார். அவர் வேறு யாரும் அல்ல.. ஞானவேல் ராஜா தான்..

இத்தனைக்கும் பருத்திவீரன் படத்தில் அவர்தான் எனக்கு பாக்கி தொகை தர வேண்டியதாக முடிவு செய்யப்பட்டு அது கிடைக்காததால் தான் அவர் மீது நீதிமன்றத்தில் வழக்கு தொடர வேண்டிய நிலை ஏற்பட்டது. ஆனால் யோகி பட வெளியீட்டின்போது நான் தான் அவருக்கு பணம் தர வேண்டும் என்று கூறி யோகி படத்தை நிறுத்தி வைக்குமாறு நீதிமன்றத்தில் அவர் மனு தாக்கல் செய்திருந்தார். ஆனால் அதற்கான முறையான ஆவணங்களை அவரால் சமர்ப்பிக்க முடியவில்லை.

இதனால் நீதிமன்றத்தில் அவர் குட்டுப்பட்டு அந்த வழக்கும் தள்ளுபடி செய்யப்பட்டது. இவர் இப்படி வழக்கு தொடர்ந்த விபரம் கேள்விப்பட்டு என்னுடைய படப்பெட்டிகளை விநியோகஸ்தர்களுக்கு தராமல் அமைதி காத்தேன். நீதிமன்ற உத்தரவு குறித்த தகவல் எனக்கு கிடைத்த பின்னரே யோகி படப்பெட்டிகளை விநியோகஸ்தர்களிடம் ஒப்படைத்தேன்.

அதன் பிறகும் என்னுடைய உதவியாளர் கோபால் என்பவர் இயக்கி நான் நடித்த அச்சமில்லை அச்சமில்லை என்கிற படத்தையும் நாங்களே வெளியிடுவதாக கூறி ஞானவேல் ராஜா தொடர்புடைய ட்ரீம் வாரியர் பிக்சர்ஸ் நிறுவனம் வாங்கியது. ஆனால் இப்போது வரை அந்த படம் வெளியிடப்படாமல் பெட்டிக்குள் முடங்கியுள்ளது. என்ன காரணம் என்று தெரியவில்லை.. ஆனால் என் மீது திட்டமிட்டு தாக்குதல் நடத்துகிறார்கள் என்பது மட்டும் புரிகிறது” என்று கூறியுள்ளார்.

ஞானவேல் ராஜாவோ அல்லது சிவகுமார் குடும்பமோ இந்த பிரச்சனைக்கு விரைவில் ஒரு தீர்வு காணாவிட்டால், இதுபோன்று இன்னும் பல கசப்பான விஷயங்கள் வெளிவருவதை தவிர்க்க முடியாது என்றே தெரிகிறது.

Advertisement
கருத்துகள் (0) கருத்தைப் பதிவு செய்ய
நயன்தாரா, தமன்னாவை ஓவர்டேக் செய்த வாமிகா கபிநயன்தாரா, தமன்னாவை ஓவர்டேக் செய்த ... 'சலார்' டிரைலர் - மற்றுமொரு 'கேஜிஎப்' சாயல் படமா ? 'சலார்' டிரைலர் - மற்றுமொரு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in