Dinamalar

பிக்பாஸ் சீசன் 6 டைட்டில் வின்னர் அசீம்!

பிக்பாஸ் சீசன் 6 நிகழ்ச்சியின் ‛க்ராண்ட் ஃபினாலே' இன்று (ஜனவரி, 22) நடைபெற்றது. இறுதிபோட்டியாளர்களான அசீம், ஷிவின், விக்ரமன் ஆகிய மூவரில் யார் வின்னர் என்று உலகெங்கிலும் ரசிகர்கள் ஆவலுடன் காத்திருந்தனர்.
இறுதிநாளான இன்று ஷிவின் எலிமினேட் செய்யப்பட்ட நிலையில், வெல்லப்போவது விக்ரமனா? அசீமா? என பரபரப்பான இறுதிக்கட்டம் ரசிகர்களின் ஹார்ட்பீட்டை எகிறச் செய்தது. ஒருவழியாக வின்னர் அசீம் தான் என்பதை கையை தூக்கிபிடித்து கமல்ஹாசன் அறிவித்தார். இதனையடுத்து வெற்றியாளரான அசீமுக்கு 50 லட்ச ரூபாய் பரிசுத்தொகையுடன் மாருதி சுசுகி கார் நிறுவனத்தின் நவீன சொகுசு வகை காரான ப்ரீசா காரும் வழங்கப்பட்டது.
டைட்டில் கோப்பையை கையில் வாங்கிய அசீம், 'எனது வெற்றி இறைவனுக்கு. எனக்கு சிறுவயதிலிருந்தே நல்லதை மட்டுமே சொல்லி வளர்த்த பெற்றோருக்கு நன்றி' எனக்கூறினார்.
மேலும், அசீமை பற்றி முதல்வாரத்திலிருந்தே நெகட்டிவாக பல கமெண்டுகள் வந்த நிலையில், '11 வாரமும் என்னை நாமினேட் செய்யுங்கள். மக்களின் ஆதரவுடன் நான் ஜெயித்துக்காட்டுவேன்' என்று கூறியிருந்தார். அதை குறிப்பிட்டு 'இதோ ரிசல்ட்' என கெத்தாக பிக்பாஸ் கோப்பையை தூக்கிக்காட்டினார்.
அசீமின் வெற்றிக்கு சக ஹவுஸ்மேட்டுகள் உட்பட பலரும் வாழ்த்துகள் தெரிவித்து வருகின்றனர். சமூக வலைதளங்களிலும் அவருக்கு வாழ்த்துக்கள் குவிந்து வருகிறது.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  மூத்த நடிகர்களை களமிறக்கும் ஆடுகளம் சீரியல்
• 
  டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி
• 
  புதுவீட்டில் பிறந்தநாள் கொண்டாடிய ரச்சிதா
• 
  12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4
• 
  வருத்தத்தில் ஜாக்குலின்