ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
விஜய் டிவியில் கடந்த 2017ம் ஆண்டு முதல் ஒளிபரப்பாகி வரும் பிக்பாஸ் நிகழ்ச்சியின் ஐந்து சீசன்களையும் கமல்ஹாசன் தொகுத்து வழங்கி வருகிறார். ஐந்தாவது சீசனுக்கு பிறகு பிக்பாஸ் அல்டிமேட் என்ற இன்னொரு நிகழ்ச்சி ஒளிபரப்பானது. கமலைத் தொடர்ந்து சிம்புவும் அந்த நிகழ்ச்சியை தொகுத்து வழங்கினார். ஆனால் அதற்கு எதிர்பார்த்தபடி வரவேற்பு கிடைக்கவில்லை. இந்த நிலையில் விரைவில் பிக்பாஸ் சீசன்-6 நிகழ்ச்சி தொடங்கப்போகிறது. இந்த நிகழ்ச்சியையும் கமல்ஹாசனே தொகுத்து வழங்கும் நிலையில் சமீபத்தில் இதற்கான முதல் புரோமோ வெளியானது.
இந்நிலையில், தற்போது பிக்பாஸ் சீசன்- 6 நிகழ்ச்சியின் இரண்டாவது புரோமோ வெளியாகி உள்ளது. அதில் கமல்ஹாசன், காட்டிலுள்ள மிருகங்களின் குணாதிசயங்கள் குறித்து பேசும் ஒரு வீடியோ வெளியாகி இருக்கிறது. இதற்கு முந்தைய சீசன்களில் அழகிய வீட்டில் உள்ள பொருட்களை வைத்து நிகழ்ச்சி குறித்து விளம்பரம் செய்து வந்த கமல்ஹாசன், இந்த ஆறாவது சீசனில் வேட்டையை ஆரம்பிக்கலாமா? என்று துவங்கியுள்ளார். மிருகங்களுடன் தெறிக்க விடும் டயலாக் பேசி ரசிகர்களின் கவனத்தை ஈர்த்து இருக்கிறார் கமல். அதோடு, காடுன்னு ஒன்னு இருந்தா ராஜா என்று ஒருத்தர்தான இருக்க முடியும் என்ற டைட்டில் உடன் இந்த இரண்டாவது புரோமோ வீடியோவை விஜய் டிவி வெளியிட்டுள்ளது.