Dinamalar

50 சதவீதத்தை அமல்படுத்திய தியேட்டர்கள் : 'வலிமை' வருமா?

ஒமிக்ரான் வடிவத்தில் கொரோனா மூன்றாவது அலை தற்போது பரவி வருகிறது. இதனால் மத்திய அரசின் அறிவுறுத்தலின்படி பல மாநிலங்களில் தடுப்பு நடவடிக்கைகள் முன்னெடுக்கப்பட்டு வருகின்றன. தமிழகத்தில் தியேட்டர்களில் ஜனவரி 10ம் தேதி வரை 50 சதவீத இருக்கைகளுக்கு மட்டுமே அனுமதி வழங்கப்பட்டுள்ளது. இதை தியேட்டர்களில் உடனடியாக இன்று முதல் அமல்படுத்திவிட்டார்கள்.

ஆனாலும், இணைய முன்பதிவு தளங்களில் பார்க்கும் போது இன்னும் சில தியேட்டர்களில் 100 சதவீத இருக்கை அனுமதிக்கான வரைபடம் மட்டுமே காட்டப்படுகிறது. அதே சமயம், மல்டிபிளக்ஸ் தியேட்டர்களில் ஒரு இருக்கைக்கும் மற்றொரு இருக்கைக்கும் இடைவெளி விட்டுள்ள வரைபடம் இடம் பெற்றுள்ளது.

இன்னும் சில மாநிலங்களிலும் புதிய கட்டுப்பாடுகள் விதிக்கப்படும் என்று எதிர்பார்க்கப்படுகிறது. அதன் காரணமாக 'ஆர்ஆர்ஆர், ராதேஷ்யாம்' உள்ளிட்ட படங்களின் வெளியீடு தள்ளி வைக்கப்படும் எனத் தெரிகிறது. அஜித் நடித்துள்ள 'வலிமை' படத்தை ஜனவரி 13ம் தேதி வெளியிடுவதாக அறிவித்து போஸ்டரையும் வெளியிட்டுள்ளார்கள். கடந்த வருடம் விஜய் நடித்த 'மாஸ்டர்' படம் 50 சதவீத இருக்கை அனுமதியில் தான் வெளிவந்து வசூலில் சாதனை படைத்தது. எனவே, 'வலிமை' படத்தின் வெளியீட்டுத் தேதியில் மாற்றம் இருக்காது என்றே சொல்கிறார்கள்.

• 
  பாலகிருஷ்ணா 109வது படத்தில் இணைந்த பிரபல பாலிவுட் நடிகை
• 
  வசூலை குவிக்கும் அனிமல் : ரன்பீர் கபூருக்கு முதல் ரூ.500 கோடி படம்
• 
  'ரெட் கார்ப்பெட், ரெட் கவுன்' : நிறைவேறிய ஷாரூக்கான் ஆசை
• 
  பைட்டர் படத்திலிருந்து ஹிர்த்திக் போஸ்டர் வெளியானது
• 
  ஷாரூக்கானின் ‛டன்கி' டிரைலர் வெளியீடு

• 
  தர்ஷன், தர்ஷனா நடிக்கும் புதிய படம்
• 
  'டாக்சிக்' - ரிலீஸ் தேதியுடன் வெளியான யஷ் அடுத்த பட அறிவிப்பு
• 
  தனுஷ் இயக்கும் படத்திற்கு இசையமைக்கும் ஜி.வி.பிரகாஷ்
• 
  மம்முட்டிக்கு பதிலாக ஜாக்கி ஷெரப்
• 
  தஞ்சை பெரிய கோவிலை பார்த்து வியந்த ஹாலிவுட் நடிகர்