Dinamalar

சுறுசுறுப்பாக நடைபெறும் தெலுங்கு 'பிக்பாஸ்' வேலைகள்

தமிழில் இந்த வருடம் 'பிக்பாஸ்' நிகழ்ச்சி நடைபெறுமா என்பது சந்தேகம்தான். அந்த நிகழ்ச்சியை கடந்த மூன்று சீசன்களாகத் தொகுத்து வழங்கி வரும் கமல்ஹாசன் கொரோனா தொற்று பயம் காரணமாக கடந்த நான்கு மாதங்களாக வீட்டை விட்டு எங்குமே வெளியில் வரவில்லை. அவரைப் போன்ற 60 வயதைக் கடந்த நடிகர்கள் கொரோனா தொற்று முழுவதுமாக ஒழிந்தால்தான் நடிக்க வருவோம் என்று சொல்லியதாக கோலிவுட்டில் பேசிக் கொள்கிறார்கள். அதனால், இந்த வருடம் தமிழில் பிக்பாஸ் நிகர்ச்சி நடைபெற வாய்ப்பில்லை என்றுதான் தெரிகிறது.

ஆனாலும், தெலுங்கு பிக்பாஸ் சீசன் 4 நிகழ்ச்சிக்கான வேலைகள் மும்முரமாக நடந்து வருகின்றனவாம். ஏற்கெனவே, இந்த நிகழ்ச்சிக்கான புரோமோ படப்பிடிப்பில் நாகார்ஜுனா கலந்து கொண்டதாகத் தகவல். ஆகஸ்ட் மாதம் 20ம் தேதி இந்நிகழ்ச்சி ஆரம்பமாகும் எனத் தெரிகிறது.

நிகழ்ச்சிக்கான போட்டியாளர்கள் தேர்வு முடிந்துவிட்டதாம். அவர்களை 15 நாட்கள் தனிமைப்படுத்தி வைத்த பிறகுதான் பிக்பாஸ் நிகழ்ச்சிக்குள் அனுமதிக்க உள்ளார்களாம். அதற்காக ரகசிய இடங்களும் தேர்வாகி அங்கு அவர்கள் அனுப்பப்பட்டுவிட்டார்களாம்.

இந்த சீசனுக்காகத் தயாராகியுள்ள பிக்பாஸ் வீடு அமைக்க மட்டும் 3 கோடி செலவு செய்துள்ளார்களாம். மேலும், இந்த சீசனில் போட்டியாளர்கள் மிகவும் கண்ணியமாக நடந்து கொள்ள வேண்டும் என நாகார்ஜுனா தனிப்பட்ட வேண்டுகோளையும் வைத்துள்ளாராம். அடுத்த சில நாட்களில் நிகழ்ச்சியில் கலந்து கொள்ள உள்ளவர்களின் விவரம் வெளியாகும் எனத் தெரிகிறது.

• 
  கங்குலியாக நடிக்கிறாரா ஆயுஷ்மான் குராணா?
• 
  சாவர்கராக நடிக்க 26 கிலோ எடை குறைத்த ரன்தீப் ஹூடா
• 
  இனி வருடத்திற்கு ஒரு படம் மட்டுமே : அனுஷ்கா ஷர்மா திடீர் முடிவு
• 
  காதலன் படத்தை இப்படியா வெளியிடுவது... மலைக்கா அரோராவை விளாசும் ரசிகர்கள்
• 
  பீகாரில் ஆதரவற்ற மாணவர்களுக்கு பள்ளி கட்டிடம் கட்டித்தரும் சோனு சூட்

• 
  ஆந்திர முதல்வர் சுயசரிதையை படமாக்கும் ராம்கோபால் வர்மா
• 
  மலையாள பட விழாவில் விஜய் தேவரகொண்டா பட இயக்குனரை விமர்சித்த அல்லு ...
• 
  நண்பர்கள் ஆதரவில் நடைபெற்ற தசரா இயக்குனர் திருமணம்
• 
  தந்தையின் பிறந்தநாளில் தெறிக்கவிட்ட தனயன் : வெளியானது மகேஷ் பாபுவின் ...
• 
  தம்பியின் அறிமுக படத்திற்கு எதிராக களம் இறங்கிய ராணா