Dinamalar

மோகன்லால் பட இயக்குனர் மீது மஞ்சு வாரியர் புகார்

எழுத்தின் அளவு:

மலையாள நடிகை மஞ்சுவாரியர், சமீபத்தில் வெளியான அசுரன் படத்தின் மூலம் தமிழிலும் முதன்முதலாக அடியெடுத்து வைத்துள்ளார். இந்தநிலையில் கடந்த வருடம் மோகன்லால் நடிப்பில் வெளியான ஒடியன் என்கிற படத்தில் கதாநாயகியாக நடித்து இருந்தார்.. அந்த படத்தை இயக்கியவர் பிரபல விளம்பர பட இயக்குனரான ஸ்ரீகுமார் மேனன். தற்போது இந்த ஸ்ரீகுமார் மேனன் , தன்னை மிரட்டுவதாகவும் சோஷியல் மீடியாவில் தன்னைப் பற்றி தவறான தகவல்களை பதிவிடுவதாகவும் கூறி அவர் மீது போலீசில் புகார் அளித்துள்ளார்.

இத்தனைக்கும் மஞ்சுவாரியரும், ஸ்ரீகுமார் மேனனும் நல்ல நண்பர்களாக இருந்து வந்தார்கள் என்பது குறிப்பிடத்தக்கது. ஆனால் சமீபத்தில் ஸ்ரீகுமர் மேனன் தனது முகநூல் பதிவு ஒன்றில் தான் இயக்கிய ஒடியன் படம் சரியாக போகாதது குறித்து விளக்கம் அளித்திருந்தார். அதில் படத்தின் நாயகியாக நடித்திருந்த மஞ்சு வாரியர் படத்திற்கு தேவையான அளவு ஒத்துழைப்பு வழங்கவில்லை என்பது போல குற்றம் சாட்டும் விதமாக கூறியிருந்தார்.

அதுமட்டுமல்ல, மஞ்சு வாரியருக்கு அவரது இக்கட்டான தருணங்களில், தான் எவ்வாறு துணை நின்றார் என்பதையும் எந்த அளவிற்கு உதவிகள் செய்துள்ளார் என்பதையும் குறிப்பிட்டுள்ளார் ஸ்ரீகுமார் மேனன். மேலும் அந்த பட சமயத்தில், ஒருமுறை மஞ்சு வாரியாரின் தாய் ஸ்ரீகுமார் மேனனின் முன்பாகவே மஞ்சு வாரியரிடம், “இவர் உனக்கு கஷ்டமான சமயங்களில் எந்த அளவிற்கு உதவி செய்திருக்கிறார் என்பதை மறந்து விடாதே” என்று கூட கூறினாராம். ஆனால் கடைசி நேரத்தில் அதையெல்லாம் மஞ்சு வாரியர் மறந்து விட்டார் என்றும் கூறியிருக்கிறார் ஸ்ரீகுமார் மேனன்.

நண்பராக இருந்து கொண்டு தான் செய்த உதவிகளை சொல்லிக் காட்டி தன்மேல் அதிக அக்கறை இருப்பதாக காட்டிக் கொண்டதும் ஒடியன் படம் சரியாக ஓடாமல் போனதற்கு தன்னை ஒரு காரணமாக ஸ்ரீகுமார் மேனன் சுட்டிக்காட்டியதும் மஞ்சு வாரியரை கோபம் கொள்ளச் செய்திருக்கிறது அதனால்தான் தற்போது அவர் மீது இப்படி ஒரு புகார் அளித்து உள்ளார் என கூறப்படுகிறது.

• 
  நயன்தாரா படம் ஹிந்தியிலும் ரீ-மேக் ஆகிறது
• 
  பாடகி கீதா மாலி கார் விபத்தில் பலி
• 
  வீரம் ஹிந்தி ரீமேக்: அக்ஷய்குமாருக்கு ஜோடியாகும் கீர்த்தி சனோன்
• 
  செய்னா: அவருக்கு பதில் இவர்
• 
  அமெரிக்காவில் ப்ரியங்கா சோப்ராவின் கனவு இல்லம்!

• 
  தெலுங்கில் மெகா நடிகர்களுடன் டூயட் பாடும் நிவேதா பெத்துராஜ்
• 
  மருமகனுக்கு உதவிய சிரஞ்சீவி
• 
  திலீப்புக்கு அதிர்ச்சியை தந்த ஜாக் அன்ட் டேனியல்
• 
  14 வருடங்களுக்கு முன்பு இயக்கிய படத்தால் சங்கடத்தில் சிக்கிய இயக்குனர்
• 
  காமெடி நடிகர்களின் கூட்டணியில் களைகட்டும் இரண்டு படங்கள்