Dinamalar

மாரி 2 வில்லனுக்கு ஜூனில் மாதம் 3 படம் ரிலீஸ்

கடந்த இரண்டு வருடங்களில் மலையாள சினிமாவில் குறிப்பிடத்தக்க முன்னணி ஹீரோவாக உயர்ந்துள்ளார் நடிகர் டொவினோ தாமஸ். கடந்த வருடம் வெளியான தனுஷின் மாரி-2 படத்தில் வித்தியாசமான வில்லனாக மிரட்டிய இவர், தற்போது மலையாள சினிமாவில் தொடர்ந்து கதாநாயனாக நடித்து வருகிறார்.

இந்த வருடம் ஏற்கனவே மோகன்லாலின் 'லூசிபர்' மற்றும் சமீபத்தில் வெளியான 'உயரே' ஆகிய படங்களில் இவர் நடித்திருந்தாலும் அவை கிட்டத்தட்ட சற்று நீட்டிக்கப்பட்ட கெஸ்ட் ரோல் என்கிற அளவிலேயே இருந்தன. இந்த நிலையில் வரும் ஜூன் மாதம் இவர் நடித்துள்ள 3 படங்கள் வெளியாக இருக்கின்றன

கடந்த வருடம் கேரளாவை உலுக்கிய நிபா வைரஸ் தாக்குதலின் பின்னணியில் உருவாகியுள்ள 'வைரஸ்' என்கிற படத்திலும் டொவினோ தாமஸ் கதாநாயகனாக நடித்துள்ளார். இந்த படம் வரும் ஜூன் 7ஆம் தேதி வெளியாக இருக்கிறது. இதை அடுத்து இவர் நடித்துள்ள 'அண்ட் தி ஆஸ்கார் கோஸ் டு' என்கிற படம் வரும் ஜூன் 21ஆம் தேதி வெளியாவதாக அறிவிக்கப்பட்டுள்ளது. இந்த படத்தை தேசிய விருது புகழ் இயக்குனர் சலீம் அஹமது இயக்கியுள்ளார்.

இதையடுத்து, அருண் போஸ் என்பவர் இயக்கத்தில் டொவினோ நடித்துள்ள லுக்கா என்கிற படம் வரும் ஜூன் 28-ஆம் தேதி வெளியாக இருக்கிறது. அந்த வகையில் ஜூன் மாதம் முழுதும் டொவினோ தாமஸின் மாதமாக இருக்கும் என்று நன்றாகவே தெரிகிறது.

• 
  ராஷ்மிகாவின் குட்பை படத்தின் படப்பிடிப்பு நிறைவு
• 
  மரம் நடச்சொல்லி ரசிகர்களை உற்சாகப்படுத்திய சல்மான்கான்
• 
  சல்மான்கான் படத்தில் இணையும் சமந்தா - தமன்னா
• 
  அட்லியின் படத்தில் வில்லனாகும் ராணா
• 
  ஒரேநாளில் அமீர்கான் - அக்ஷய் குமார் படங்கள் மோதல்

• 
  துல்கர் சல்மானின் சீதாராமம் படத்தின் டீசர் வெளியானது
• 
  பிரபாஸின் ‛சலார்' படத்தில் இணைந்த பிருத்விராஜ்
• 
  ஆச்சார்யா அவஸ்தையால் சிரஞ்சீவி உஷார் நடவடிக்கை
• 
  பள்ளித்தோழனை மறுமணம் செய்த பிரபல பாடகி
• 
  மேஜர் ரவிக்கு அல்போன்ஸ் புத்ரன் கோரிக்கை