Dinamalar

உதவி இயக்குனராக மாறிய அனுபமா பரமேஸ்வரன்

எழுத்தின் அளவு:

பிரேமம் படம் மூலம் புகழின் உச்சிக்கு சென்ற மூன்று கதாநாயகிகளில் அனுபமா பரமேஸ்வரனும் ஒருவர். மற்ற இரண்டு நடிகைகளும் தமிழ் மலையாளம் ஆகியவற்றில் தற்போது கவனம் செலுத்தி நடித்து வருகின்றனர். ஆனால் அனுபமா பரமேஸ்வரன் தமிழில் கொடி என்கிற ஒரு படத்தில் மட்டுமே நடித்தவர் கடந்த இரண்டு வருடங்களாக தெலுங்கு திரையுலகிலேயே நிரந்தரமாக தங்கிவிட்டார்.

இந்த நிலையில் துல்கர் சல்மான் தயாரிப்பில் உருவாகி வரும் புதிய படத்தில் மூன்று கதாநாயகிகளில் ஒருவராக நடித்து வருகிறார் அனுபமா. இந்த படத்தில் கதாநாயகனாக பிரபல நகைச்சுவை நடிகர் ஜேக்கப் கிரிகோரி என்பவர் நடித்தாலும், கதையின் மீதும் தனது கதாபாத்திரத்தின் மீதும் ரொம்பவே ஈர்க்கப்பட்டுத்தான், இந்த படத்தில் நடிக்க ஒப்புக் கொண்டாராம் அனுபமா.

அதன் வெளிப்பாடாகத்தான் தற்போது படப்பிடிப்பில் தனது காட்சிகளில் நடித்தது போக, மீதியுள்ள ஓய்வு நேரத்தில் படத்தின் அறிமுக இயக்குனர் சம்சு சைபாவுக்கு உதவி இயக்குனராகவும் பணியாற்றி வருகிறார் அனுபமா பரமேஸ்வரன். தனது படத்தில் இவரது அர்ப்பணிப்பு உணர்வை பார்த்து தனது மகிழ்ச்சியை வெளிப்படுத்தியுள்ளார் தயாரிப்பாளரும் நடிகருமான துல்கர் சல்மான்.

• 
  பால்கி டைரக்சனில் நடிக்கும் துல்கர் சல்மான்
• 
  லைகர் அறிவிப்பு : விஜய் தேவரகொண்டா நெகிழ்ச்சி
• 
  சோனு சூட்டின் ரொமான்ஸ் இசை ஆல்பம் வெளியானது
• 
  சொர்க்கத்தில் 1௦௦ நாட்கள் ; அமிதாப்பிற்கு புதிய பொறுப்பு
• 
  ஜான்வி படப்பிடிப்பை நிறுத்திய விவசாயிகள்

• 
  18ஆம் வருடத்தில் ஒக்கடு ; மகேஷ்பாபு மனைவி மீது தயாரிப்பாளர் வருத்தம்
• 
  விரைவில் சுரேஷ்கோபியின் ஒத்தக்கொம்பன் ஆரம்பம்
• 
  பிப்ரவரியில் அடுத்தடுத்து வெளியாகும் பார்வதியின் 2 படங்கள்
• 
  விஜய்சேதுபதியின் எழுத்தாளர் அவதாரம்
• 
  லூசிபர் தெலுங்கு ரீமேக்கில் நயன்தாரா