மலையாள நடிகர் முகேஷ் மீது பெண் இயக்குனர் பாலியல் புகார்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

10 அக், 2018 - 13:03 IST

எழுத்தின் அளவு:

Sexual-complaint-against-Malayalam-actor-Mukesh

முன்னணி திரைப்பட இயக்குனர்கள், நடிகர்கள் மீது பெண்கள் பாலியல் புகார் கூறி வருவது அதிகரித்துள்ளது. இதற்காக உருவாக்கப்பட்டுள்ள மீ டூ ஆப்பில் பெண்கள் புகார்களை பதிவு செய்து வருகிறார்கள். அந்த வரிசையில் பிரபல மலையாள நடிகரும், பார்லிமென்ட் உறுப்பினருமான முகேஷ் மீது மும்பையைச் சேர்ந்த இயக்குனர் டெஸ் ஜோசப் என்பவர் பாலியல் புகார் கூறியுள்ளார். இது தொடர்பாக அவர் தனது டுவிட்டர் பதிவில் கூறியிருப்பதாவது:

19 ஆண்டுகளுக்கு முன்பு மலையாள சேனல் ஒன்றில் கோன் பனேகா குரோர்பதி நிகழ்ச்சியை நான் இயக்கினேன். அந்த நிகழ்ச்சியை முகேஷ் தொகுத்து வழங்கினார். அப்போது அவர் எனக்கு பாலியல் தொந்தரவு கொடுத்தார். இரண்டு முறை என்னை தொலைபேசியில் தொடர்பு கொண்டு தவறாக பேசினார். ஓட்டலில் தனது அறைக்கு பக்கத்திலேயே எனக்கு அறை ஒதுக்கினார். இதுகுறித்து எனது பாஸ் டிரெக் ஓபிரையினரிடம் தெரிவித்தேன். அவர் நிலமையை புரிந்து கொண்டு திருவனந்தபுரத்திலிருந்து மும்பை திரும்ப ஏற்பாடு செய்து கொடுத்தார். என்னை அன்று காப்பாற்றிய எனது பாசுக்கு நன்றி என்று எழுதியுள்ளார்.

இதுகுறித்து முகேஷ் கூறும்போது, 20 ஆண்டுகளுக்க முன்பு நடந்தது எனக்கு நினைவில்லை. டெஸ் ஜோசப் யாரென்றே எனக்குத் தெரியாது. என்னை பற்றி என்ன வேண்டுமானாலும் எழுதிக் கொள்ளுங்கள் என்றார். முகேஷ், நடிகை சரிதாவின் முன்னாள் கணவர் என்பது குறிப்பிடத்தக்கது.

malayalamactormukesh

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

ஹாக்கி விளையாட்டு வீரர் ஆனார் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய