பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் |
மலையாளத்தில் மம்முட்டி நடித்த படம் ராஜாதிராஜா. 4 ஆண்டுகளுக்கு முன்பு வெளிவந்த இந்தப் படத்தில் அவருக்கு ஜோடியாக ராய் லட்சுமி நடித்திருந்தார். இவர்களுடன் ஜாய் ஜோர்ஜ், சித்திக், சிஜாய் வர்க்கீஸ், ஆசிம் ஜமால் நடித்திருந்தனர். கார்த்திக் ராஜா, கோபிசுந்தர், பெமி ஆகியோர் இசை அமைத்திருந்தனர். ஷாஜி ஒளிப்பதிவு செய்திருந்தார். அஜய் வாசுதேவ் இயக்கி இருந்தார். குட் லைன் புரொடக்ஷன் சார்பில் எம்.கே.நாசர் தயாரித்திருந்தார்.
மனைவி குழந்தை என சந்தோஷமாக வாழும் மம்முட்டியை போலீசார் அண்டர் கிரவுண்ட் தாதாக்களுக்கு உதவி செய்தவர் என்று திடீரென கைது செய்கிறது. சம்பந்தமே இல்லாமல் அவரை கைது செய்து துன்புறுத்தி பின்னர் அவரை விடுதலை செய்கிறது. போலீஸ் விடுதலை செய்தாலும் தாதா குரூப் அவரை நிஜமான தாதா என்று நினைத்து தொல்லை கொடுக்கிறது.
அவர் போலீசில் முறையிட்டும் பலன் இல்லை. அதன் பிறகு என்ன நடக்கிறது என்பது படத்தின் கதை. தற்போது இந்தப் படத்தை தமிழில் நான்தான் ராஜா என்ற பெயரில் மொழிமாற்றம் செய்து வெளியிடுகிறார்கள். மில்லினம் சினிமா சார்பில் ஷாஜி மில்லினம் வெளியிடுகிறார். நாளை வெளிவருகிறது.