எதிர்காலத்தில் நடக்க போவதை அப்பவே கணித்து சொன்ன சினிமாக்கள்

யதார்த்தமான, நிகழ்கால சம்பவங்களை அடிப்படையாக படங்கள், நிஜமான சம்பவங்களை அடிப்படையாகக் கொண்ட கதைகளை கொண்ட சினிமாக்கள் ஒருபுறம் வெற்றி பெறுகிறது. இன்னும் சில படங்களில், ரசிகர்களை கவருவதற்காகவும், வித்தியாசமான கதைக்களத்தை கொண்டதாக இருக்க வேண்டும் என்பதற்காகவும், படத்தின் சுவாரஸ்யத்தை அதிகரிப்பதற்காகவும் கற்பனைக்கு எட்டாத சில விஷயங்களை சேர்த்திருப்பார்கள். அந்த படங்கள் ரிலீசான சமயங்களில், "இதெல்லாம் எப்படி நடக்கும்? இப்படி எல்லாம் நடக்க வாய்ப்பே இல்லை" என நாமே விமர்சனம் செய்திருப்போம். ஆனால் சில ஆண்டுகள் கழித்து சினிமாவில் காட்டப்பட்ட அதே விஷயம், நம் கண் முன்னால் நிஜமாக நடந்து ஆச்சரியப்படுத்திய சம்பவங்கள் பல உள்ளன. அந்த படங்களை பார்க்கும் போது, "இதெல்லாம் எப்படிப்பா அப்பவே கணித்தார்கள்?" என ஆச்சரியம் ஏற்படும். அப்படி பலரையும் ஆச்சரியப்பட வைத்த சினிமாக்களில் சில...

சினிமாவில் முன்பே கணிக்கப்பட்டு, இன்று நிஜமாகியிருக்கும் சில சுவாரசியமான விஷயங்கள் இதோ:

1. "ஏழாம் அறிவு" (2011) - பயோ-வார் (Bio-war) மற்றும் வைரஸ் தாக்குதல்
இந்த படத்தில் சீனாவிலிருந்து ஒரு நபர் மூலமாக பரப்பப்படும் "நோவஹ்" (Noah) என்ற வைரஸ், ஒட்டுமொத்த நாட்டையும் அச்சுறுத்துவது போல் காட்டியிருப்பார்கள். மர்ம நோயால் உலகின் பல நாடுகளிலும் பலரும் திடீர், திடீரென இறப்பதை படமாக்கி இருந்தார் டைரக்டர் ஏ.ஆர்.முருகதாஸ். இந்த படம் வந்த சமயத்தில், "இப்படி எல்லாம் நடக்குமா?" என பலரும் கேள்வி எழுப்பினர். ஆனால் 2019ம் ஆண்டின் இறுதியில் சீனாவிலிருந்து பரவத் தொடங்கிய கொரோனா வைரஸ் (COVID-19) உலகையே முடக்கிய போது, பலரும் "ஏழாம் அறிவு" படத்தின் காட்சிகளையும், அதில் போதிதர்மரின் மருத்துவ அறிவைப் பற்றிப் பேசியதையும் சமூக வலைதளங்களில் ஆச்சரியத்தோடு ஒப்பிட்டுப் பேசினர்.

2. பிச்சைக்காரன் 1 (2016) - பணமதிப்பிழப்பு :
2016ம் ஆண்டு மார்ச் மாதம் டைரக்டர் சசி இயக்கத்தில், நடிகர் விஜய் ஆன்டனி நடித்து வெளியான படம் பிச்சைக்காரன் படத்தின் முதல் பாகம். இதில் காமெடிக்காக பிச்சைக்காரர் ஒருவர், ரேடியோ நிகழ்ச்சியில் பேசுவது போல் ஒரு காட்சி வைத்திருப்பார்கள். "கள்ள நோட்டுக்களை ஒழிக்க ரூ.1000 நோட்டுக்களை தடை செய்ய வேண்டும். ரூ.1000 நோட்டு போன்ற உயர் மதிப்பு கொண்டது என்பதால் தானே ஈஸியாக பதுக்கி விடுகிறார்கள். மதிப்பு குறைந்த ரூபாய் நோட்டு என்றால் பதுக்குவது கடினம் தானே" என சொல்லுவார்கள். அப்போது சிரித்து விட்டு அனைவரும் அதை கடந்து சென்று விட்டார்கள். ஆனால் 2016ம் ஆண்டு நவம்பர் மாதம் இந்தியா முழுவதும் பணமதிப்பிழப்பு அமல்படுத்தப்பட்டது. ரூ.1000, ரூ.500 நோட்டுக்கள் செல்லாது என மத்திய அரசு அறிவிப்பு வெளியிட்டது. அந்த சமயத்தில் இந்த படத்தின் காட்சியை பகிர்ந்து, பலரும் ஆச்சரியம் தெரிவித்தனர்.

3. "சிவாஜி" (2007) - கறுப்புப் பணம் ஒழிப்பு மற்றும் டிஜிட்டல் மணி
படத்தில் ரஜினி, வெளிநாடுகளில் பதுக்கப்பட்டுள்ள கறுப்புப் பணத்தை இந்தியாவுக்குக் கொண்டு வர "ஹவாலா" முறையைப் பயன்படுத்துவார். மேலும், நாட்டில் உள்ள கறுப்புப் பணத்தை ஒழிக்கப் பொருளாதார மாற்றங்கள் தேவை என்பதைப் படம் பேசியிருக்கும். 2016ல் இந்தியாவில் கொண்டுவரப்பட்ட பணமதிப்பிழப்பு (Demonetization) நடவடிக்கை மற்றும் அதைத் தொடர்ந்து இன்று நாம் டீக்கடை முதல் பெரிய வணிக வளாகங்கள் வரை பயன்படுத்தும் UPI (டிஜிட்டல் மணி/மின்னணுப் பணம்) பரிவர்த்தனைகள், "சிவாஜி" படம் காட்டிய பொருளாதார மாற்றத்தின் நிஜ வடிவமே.

4. "விக்ரம்" (1986) - கணினி மூலமாக ஏவுகணையை இயக்குதல் (Computer Hacking)
கமல்ஹாசன் நடிப்பில் 1986-ல் வெளியான "விக்ரம்" படத்தில், ஒரு கணினியைப் பயன்படுத்தி அக்னிபுத்ரா ஏவுகணையின் லான்ச் குறியீடுகளை (Launch codes) திருடுவதும், அதை இயக்குவதும் போன்ற காட்சிகள் இடம்பெற்றிருக்கும். அப்போது இந்த படத்தின் கதையே புரியவில்லை என்ற விமர்சனங்கள் எழுந்தது. 80களில் இந்தியர்களுக்கு கணினி என்பதே ஒரு புதிய விஷயமாக இருந்த போது, சைபர் கிரைம் (Cyber Crime), கணினி ஹேக்கிங், மற்றும் ரிமோட் மூலம் இயங்கும் ஆயுதங்கள் பற்றி அந்தப் படம் பேசியது ஒரு மிகச்சிறந்த முன்கணிப்பு. ஆனால் இன்றும் சைபர் கிரைம் உலகையே அச்சுறுத்திக் கொண்டிருக்கிறது.

5. "துப்பாக்கி" (2012) - ஸ்லீப்பர் செல்கள் (Sleeper Cells)
விஜய் நடிப்பில் வெளியான இந்தப் படத்திற்கு முன்பு வரை, "ஸ்லீப்பர் செல்கள்" என்ற வார்த்தை சாமானிய மக்களுக்கு அவ்வளவாகத் தெரிந்திருக்கவில்லை. சத்தமில்லாமல் நம்மிடையே வாழ்ந்து கொண்டு, சமயம் பார்த்து நாசவேலைகளில் ஈடுபடும் பயங்கரவாதக் குழுக்களைப் பற்றி இப்படம் விளக்கியது. துப்பாக்கி படம் ரிலீசுக்கு பிறகு நடந்த பல பயங்கரவாதத் தாக்குதல்களின் விசாரணைகளில், காவல்துறை மற்றும் உளவுத்துறையினர் இந்த "ஸ்லீப்பர் செல்கள்" என்ற வார்த்தையைப் பயன்படுத்தியதைக் காண முடிந்தது.

6. "2.0" (2018) - 5G அலைக்கற்றை மற்றும் பறவைகள் மீதான தாக்கம்
செல்போன் கோபுர கதிர்வீச்சுகளால் (Radiation) சிட்டுக்குருவிகள் அழிகின்றன என்ற கருத்தையும், மொபைல் தொழில்நுட்பத்தின் அடுத்தகட்ட வளர்ச்சியையும் இத்திரைப்படம் பேசியது. படம் ரிலீஸான சில வருடங்களிலேயே 5G தொழில்நுட்பம் உலகம் முழுவதும் நடைமுறைக்கு வந்தது. அதே நேரத்தில் சுற்றுச்சூழல் ஆர்வலர்கள் இந்த அதிவேக அலைக்கற்றைகளால் பறவைகளுக்கும் பூச்சிகளுக்கும் ஏற்படும் பாதிப்புகள் குறித்து இப்போதும் தொடர்ந்து குரல் எழுப்பி வருகின்றனர்.

உலக சினிமாக்களின் சில பிரம்மாண்ட கணிப்புகள்

டெர்மினேட்டர் (The Terminator - 1984): மனிதர்களைப் போலச் சிந்திக்கும் ரோபோக்கள் மற்றும் கணினிகள் உலகைக் கைப்பற்றுவது போலக் காட்டப்பட்டது. இன்று நாம் காணும் Artificial Intelligence (AI - செயற்கை நுண்ணறிவு) மற்றும் "சாட்ஜிபிடி" (ChatGPT) போன்ற தொழில்நுட்பங்களின் ஆரம்பப் புள்ளி இதுதான்.
தி ட்ரூமேன் ஷோ (The Truman Show - 1998): ஒரு மனிதனின் ஒட்டுமொத்த வாழ்க்கையையும் அவனுக்குத் தெரியாமல் கேமரா மூலம் படம்பிடித்து டிவியில் ஒளிபரப்புவார்கள். இன்று உலகெங்கும் புகழ்பெற்ற "பிக் பாஸ்" (Bigg Boss) போன்ற "ரியாலிட்டி ஷோ" (Reality Shows) கலாசாரத்தை இந்தப் படம் அப்போதே கணித்துவிட்டது.

மைனாரிட்டி ரிப்போர்ட் (Minority Report - 2002): டாம் குரூஸ் நடித்த இப்படம் 2054ல் நடப்பது போல எடுக்கப்பட்டது. இதில் காற்றில் கைகளை அசைத்து கணினியை இயக்குவது (Gesture Recognition) மற்றும் முகத்தை அடையாளம் காணும் தொழில்நுட்பம் (Facial Recognition) காட்டப்பட்டது. இன்று நம் ஸ்மார்ட்போன்களில் இருக்கும் Face ID மற்றும் VR (Virtual Reality) கண்ணாடிகள் இதன் வடிவமே.

சினிமாப் படைப்பாளர்களின் தீர்க்கதரிசனமும், அறிவியல் மீது அவர்களுக்கிருக்கும் ஆர்வமுமே இதுபோன்ற எதிர்காலக் கணிப்புகள் நிஜமாவதற்குக் காரணமாக அமைகின்றன.