பாண்டியன் ஸ்டோர்ஸ் தொடரில் கிடைத்த புகழ் - நிரோஷா மகிழ்ச்சி

தமிழ் திரையுலகில் 90கள் காலக்கட்டத்தில் முன்னணி நடிகையாக வலம் வந்தார் நடிகை நிரோஷா. தற்போது சினிமா மற்றும் சின்னத்திரையில் குணச்சித்திர வேடங்களில் நடித்து வரும் இவர் விஜய் டிவியில் ஒளிபரப்பாகும் பாண்டியன் ஸ்டோர்ஸ் 2 தொடரில் கோமதி என்கிற ரோலில் நடித்து வருகிறார்.

இது குறித்து அண்மையில் பேட்டி ஒன்றில் பேசியுள்ள நிரோஷா, "நான் இதுவரை எத்தனையோ சீரியல்களில் நடித்து இருக்கிறேன். ஆனால் , பாண்டியன் ஸ்டோர்ஸ் கோமதியாக ரசிகர்கள் என்னை ஏற்றுக்கொண்டனர். ரோட்டில் நடந்து செல்லும் போது கூட கோமதி என்று அழைத்து அட்வைஸ் செய்கின்றனர். எனது அம்மா பாண்டியன் ஸ்டோர்ஸ் சீரியலை பார்த்துவிட்டு நீயா இப்படியெல்லாம் நடிக்கிற? என்று கேட்கிறார்" என்று கூறியுள்ளார்.

நிரோஷா சில வருடங்களுக்கு முன் சின்ன பாப்பா பெரிய பாப்பா தொடரின் மூலம் சின்னத்திரையில் பிரபலமாக வலம் வந்தார். அதன்பிறகு பாண்டியன் ஸ்டோர்ஸ் தொடர் தான் மீண்டும் அவருக்கு அந்த புகழை தந்துள்ளது.