அறிமுக இயக்குனர் டைரக்சனில் மோகன்லால் நடிக்கும் படம் டிசம்பரில் துவக்கம்

மோகன்லால் நடிப்பில் இந்த வருடம் வெளியான எல் 2 ; எம்புரான் மற்றும் தொடரும் ஆகிய படங்கள் 200 கோடிக்கு மேல் வசூலித்து வெற்றி படங்களாக அமைந்தன. இதனை தொடர்ந்து தெலுங்கில் அவர் நடித்துள்ள விருஷபா திரைப்படம் நவம்பர் 5ம் தேதி வெளியாக இருக்கிறது. இன்னொரு பக்கம் ஜீத்து ஜோசப் இயக்கத்தில் திரிஷ்யம் 3 மற்றும் பேட்ரியாட் உள்ளிட்ட சில படங்களில் நடித்து வருகிறார் மோகன்லால். அந்த வகையில் மோகன்லால் நடிக்க இருக்கும் அவரது 365வது படத்தை அறிமுக இயக்குனர் ஆஸ்டின் டான் தாமஸ் என்பவர் இயக்குகிறார்.

இவர் கடந்த 2020ல் வெளியாகி சூப்பர் ஹிட்டான அஞ்சாம் பாதிரா படத்தில் முதன்மை துணை இயக்குனராக பணியாற்றிய அனுபவம் கொண்டவர். தயாரிப்பாளர் ஆசிக் உஸ்மான் இந்த படத்தை தயாரிக்கிறார். நீண்ட இடைவெளிக்கு பிறகு மோகன்லால் இந்த படத்தில் அதிரடி போலீஸ் அதிகாரி கதாபாத்திரத்தில் நடிக்க இருக்கிறார். இந்த படத்தின் படப்பிடிப்பு தொடுபுழா, சபரிமலை மற்றும் மும்பை ஆகிய இடங்களில் நடைபெற இருக்கிறது.. வரும் டிசம்பர் 5ம் தேதி முதல் இந்த படத்தின் படப்பிடிப்பு துவங்க உள்ளது.