சன்னி லியோனுக்கு தமிழ் சினிமா கதவை திறக்குமா கோஸ்ட்?

சன்னி லியோன் தமிழில் நடித்து வரும் படம் ஓ மை கோஸ்ட். சன்னி லியோனுடன் சதீஷ் மற்றும் தர்ஷா குப்தா நடித்துள்ளனர். யுவன் இயக்கத்தில் உருவாகியுள்ள இந்த படத்திற்கு ஜாவித் ரியாஸ் இசையமைத்துள்ளார். தீபக் மேனன் ஒளிப்பதிவு செய்துள்ளார். தமிழ், மலையாளம், தெலுங்கு, ஹிந்தி மற்றும் கன்னடம் என ஐந்து மொழிகளில் இந்த படம் ரிலீசாக உள்ளது.

இயக்குனர் யுவன் கூறியதாவது: இந்தப்படம் ஒரு வரலாற்று திகில் நகைச்சுவை கலந்த படம். இது முக்கியமாக பொழுதுபோக்கு மற்றும் ஹாரர் அம்சத்தை அடிப்படையாகக் கொண்டது. இப்படம் திரையரங்குகளில் பார்வையாளர்களுக்கு ஒரு சிறப்பான பொழுதுபோக்கு அனுபவமாக இருக்கும். சன்னி லியோனை சுற்றித்தான் கதை நடக்கும். இந்த படம் சன்னிக்கு தமிழில் நல்லதொரு என்ட்ரியை கொடுக்கும். இந்த படத்தில் சன்னி லியோனை ஏன் நடிக்க வைத்திருக்கிறார்கள் என்ற கேள்வி எல்லோர் மனதிலும் இருக்கும். படம் வெளிவரும்போது அதற்கான பதில் கிடைக்கும், என்கிறார் யுவன்.