தமன்னா பற்றிய பகிர்வு: மீண்டும் சர்ச்சையில் ஊர்வசி ரத்தேலா

பாலிவுட் நடிகையாக இருந்தாலும் ஒரு பாடலுக்கு நடனமாடுவதில் பிரபலமாகி இருப்பவர் ஊர்வசி ரத்தேலா. தமிழில் "த லெஜண்ட்" படத்திலும் நடித்துள்ளார். கடந்த வாரம் வெளியான "ஜாட்" ஹிந்திப் படத்தில் "சாரி போல்" என்ற பாடலுக்கு நடனமாடி உள்ளார். இப்பாடல் யூடியூபில் 25 மில்லியன் பார்வைகளைக் கடந்துள்ளது.

கடந்த வாரம் தமன்னா சிறப்பு நடனமாடியுள்ள "ரெய்டு 2" படத்தில் இடம் பெற்ற "நாஷா" பாடல் யூடியூப் தளத்தில் வெளியானது. படம் இன்னும் வெளிவராத நிலையில் பாடல் மட்டும் வெளியிடப்பட்டது. தற்போது வரை 21 மில்லியன் பார்வைகளை அப்பாடல் பெற்றுள்ளது.

இதனிடையே, ரசிகர் ஒருவர், “நாஷா" பாடலை விட இந்தப் பாடல் ரொம்பவே நன்றாக உள்ளது” என்று கமெண்ட் செய்துள்ளார். அந்த கமெண்ட் அடங்கிய ஒரு ஸ்க்ரீன்ஷாட்டை ஊர்வசி தனது இன்ஸ்டாவில் பதிவிட்டு, உடனே டெலிட் செய்துள்ளார். அதை யாரோ ஸ்க்ரீன்ஷாட் எடுத்து பரப்பி விட்டுள்ளார்கள்.

மற்றவர்களை சீண்டிப் பார்ப்பதையே வேலையாக வைத்திருக்கிறார் ஊர்வசி என ரசிகர்கள் குற்றம் சாட்டுகிறார்கள். இதற்கு முன்பு இயக்குனர் ஷங்கர், கியாரா அத்வானி ஆகியோரைப் பற்றியும் அவர் குறிப்பிட்டது சர்ச்சையை ஏற்படுத்தியது.