பெங்காலி பெண்ணாக நடிக்க விரும்பும் ராஷ்மிகா

கீதா கோவிந்தம் என்கிற தெலுங்குப் படத்தில் ஒரே பாடலின் மூலம் புகழின் உச்சிக்குச் சென்ற ராஷ்மிகா மந்தனா, கடந்த இரண்டு வருடங்களுக்குள் பான் இந்தியா நடிகை என்கிற லெவலுக்கு சென்றுவிட்டார். தற்போது இந்தியில் மிஷன் மஞ்சு மற்றும் குட்பை என இரண்டு படங்களில் நடித்து வருகிறார் ராஷ்மிகா. இந்தநிலையில் ரசிகர் ஒருவர் ராஷ்மிகாவை பெங்காலி பெண் தோற்றத்தில் இருப்பது போன்று ஓவியம் ஒன்றை வரைந்து சோசியல் மீடியாவில் பகிர்ந்துள்ளார்.

அதை பார்த்து ரொம்பவே மகிழ்ச்சி அடைந்த ராஷ்மிகா மந்தனா, வரும் நாட்களில் பெங்காலி பெண் கதாபாத்திரத்தில் நடிக்க வேண்டுமென ரொம்பவே ஆசையாக இருப்பதாகவும் அதற்கு அச்சாரம் போடுவதுபோல ரசிகர் தன்னை பெங்காலி பெண் போலவே ஓவியம் வரைந்து உள்ளதாகவும் குறிப்பிட்டு பாராட்டியுள்ளார்.