ஏப்.,21ல் ஓடிடியில் வெளியாகும் ஓ மை டாக்

சூர்யாவின் 2டி எண்டர்டயின்மென்ட் நிறுவனம் 36 வயதினிலே, கடைக்குட்டி சிங்கம், உரியடி 2, பொன்மகள் வந்தாள், ராட்சசி, இராமே ஆண்டாலும் இரவணே ஆண்டாலும், உடன்பிறப்பே, ஜெய் பீம், சூரரைப் போற்று படங்களை தயாரித்தது. தற்போது பாலா இயக்கும் படத்தை தயாரித்து வருகிறது. இதற்கிடையில் சூர்யா தயாரித்து முடித்துள்ள "ஓ மை டாக்" படம் வருகிற ஏப்ரல் 21ம் தேதி அமேசான் ஓடிடி தளத்தில் வெளியாகிறது. இந்தப் படம் ஒடிடி தளத்திற்கென்றே தயாரிக்கப்பட்ட படமாகும்.

இப்படத்தின் மூலம் நடிகர் அருண் விஜய்யின் மகன் அர்னவ் குழந்தை நட்சத்திரமாக அறிமுகமாகிறார். அவருடன் அருண் விஜய், விஜயகுமார், வினய், மகிமா நம்பியார், உள்பட பலர் நடித்துள்ளனர். சரோவ் சண்முகம் இயக்கி உள்ளார். ஒரு நாய்க்கும் ஒரு சிறுவனுக்குமான உறவை சொல்லும் படம். முதலில் வருகிற 14ம் தேதி வெளியிடுவதாக இருந்தனர். அந்த நேரத்தில் பீஸ்ட் வெளியாவதால் ஒருவாரம் தள்ளி 21ம் தேதி வெளியிடுகிறார்கள்.