பாலிவுட்டின் அடுத்த காதல் ஜோடி ஜான்வி கபூர் - ஆர்யன் கார்த்திக் ?

சினிமா உலகில் அடிக்கடி பல காதல் கிசுசுக்கள் வருவதுண்டு, போவதுண்டு. அந்த காதல் கிசுகிசுக்கள் பல சமயங்களில் உண்மையாக முடிவதுண்டு. தென்னிந்தியத் திரையுலகை விட ஹிந்தித் திரையுலகில் பல காதல் கிசுகிசுக்குள் அதிகமாகவே வரும்.

தற்போது பாலிவுட்டில் ரன்பீர் கபூர் - ஆலியா பட், சித்தார்த் மல்கோத்ரா - கியாரா அத்வானி காதல்தான் பரபரப்பாகப் பேசப்பட்டு வருகிறது. அவர்களுடன் சேர்ந்து மேலும் ஒரு காதல் ஜோடி இப்போது பரபரப்பை ஏற்படுத்தியுள்ளது.

மறைந்த நடிகை ஸ்ரீதேவியின் மகள் ஜான்வி கபூர், நடிகர் ஆர்யன் கார்த்திக் ஜோடிதான் அந்த புதிய காதல் ஜோடி. இருவரும் இணைந்து தற்போது "தோஸ்தானா 2" படத்தில் நடித்து வருகிறார்கள்.

சமீபத்தில் கோவாவில் புத்தாண்டைக் கொண்டாடிவிட்டு மும்பைக்கு ஜோடியாகத் திரும்பினார்கள். விமான நிலையத்தில் அவர்களை "பப்பராசி" புகைப்படக் கலைஞர்கள் புகைப்படங்களை எடுத்துத் தள்ளினார்களாம்.

ஊருலகத்திற்கு தாங்கள் காதலில் இருக்கிறோம் என்பதைக் காட்டிக் கொள்ளவே இருவரும் ஜோடியாகத் திரும்பியதாக பாலிவுட்டில் கிசுகிசுக்கிறார்கள்.