Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » மறக்க முடியுமா »

மறக்க முடியுமா? - குரு சிஷ்யன்

08 ஆக, 2020 - 12:24 IST
எழுத்தின் அளவு:
Marakka-Mudiyuma---Guru-sishyan

படம் : குரு சிஷ்யன்
வெளியான ஆண்டு : 1988
நடிகர்கள் : ரஜினி, பிரபு, கவுதமி, சீதா
இயக்கம் : எஸ்.பி.முத்துராமன்
தயாரிப்பு : பஞ்சு அருணாசலம்

பண பிரச்னையில் சிக்கித் தவித்த, பஞ்சு அருணாசலத்திற்காக, கெஸ்ட் ரோலில் நடித்துக் கொடுக்க, ரஜினி சம்மதித்தார். ஆனால், எஸ்.பி.முத்துராமன், ரஜினியின், 25 நாட்கள் கால்ஷீட்டில், டபுள் ஹீரோ சப்ஜெக்ட் படத்தை உருவாக்கிக் கொடுத்தார். அது தான், குரு சிஷ்யன்!

சுல்கா பட்சா என்ற ஹிந்திப் படத்தை தழுவி, இப்படம் உருவாக்கப்பட்டிருந்தது. ரஜினியும், பிரபுவும் இணைந்து நடித்த முதல் படம். இப்படத்தில் தான், கவுதமி அறிமுகம். சோ, வினு சக்ரவர்த்தி, மனோரமா, ராதாரவி என, நட்சத்திர படையே நடித்திருந்தது. நகைச்சுவைக்கு முக்கியத்துவம் கொடுத்து எடுக்கப்பட்டது.

சிறு திருட்டுகளில் ஈடுபடும், குரு ரஜினியும், சிஷ்யன் பிரபுவும், துாக்குத் தண்டனை கைதியான பாண்டியனுக்கு உதவுவதற்காக, வில்லன் கூடாரத்துக்குள் ஊடுருவுகின்றனர். இதில், 20 ஆண்டுகளுக்கு முன் வெளிநாட்டில் இருந்து கடத்தி வரப்பட்ட பல கோடி ரூபாய் மதிப்புள்ள வைரங்கள் பதுங்கியுள்ள ரகசிய இடத்தை கண்டுபிடிக்கின்றனர் என்பது தான், கதை.

இதில், சென்டிமென்ட், துரோகம், சண்டை, பாடல்கள், நிறைய நகைச்சுவை துாவி, மசாலா படத்தைத் தந்திருந்தார், எஸ்.பி.முத்துராமன். இளையராஜா இசையில், ஜிங்கிடி ஜிங்கிடி, கண்டுபிடிச்சேன், நாற்காலிக்கு சண்டை, வா வா வஞ்சி இளம் மானே... உள்ளிட்ட பாடல்கள், ரசிகர்களை தாளம் போட செய்தன.

ஜிங்கிடி, ஜிங்கிடி... பாடலை, இளையராஜாவே எழுதினார். மொத்தம், 28 நாட்களில் எடுத்த படம், 175 நாட்கள் ஓடிய வெற்றிச் சித்திரமானது. திட்டமிடுதல் சரியாக இருந்தால், முடிவு வெற்றிகரமாக இருக்கும் என்பதற்கு, குரு சிஷ்யன் படமே, சரியான உதாரணம்!

Advertisement
கருத்துகள் (0) கருத்தைப் பதிவு செய்ய
மறக்க முடியுமா? - உன்னால் முடியும் தம்பிமறக்க முடியுமா? - உன்னால் முடியும் ... மறக்க முடியுமா? - சத்யா மறக்க முடியுமா? - சத்யா

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Rajavamsam
    • ராஜவம்சம்
    • நடிகர் : சசிகுமார்
    • நடிகை : நிக்கி கல்ராணி
    • இயக்குனர் :கதிர்வேலு
    Tamil New Film Vellai yaanai
    • வெள்ளை யானை
    • நடிகர் : சமுத்திரக்கனி
    • நடிகை : ஆத்மியா
    • இயக்குனர் :சுப்பிரமணிய சிவா
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Pizhai
    • பிழை
    • இயக்குனர் :ராஜவேல் கிருஷ்ணா
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2021 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in