Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » மறக்க முடியுமா »

மறக்க முடியுமா... சபாபதி

24 ஜன, 2020 - 13:00 IST
எழுத்தின் அளவு:
Marakkamudiyuma...-Sabapathy-film

படம் : சபாபதி
நடிகர்கள் : டி.ஆர்.ராமச்சந்திரன், காளி என்.ரத்தினம், சி.டி.ராஜகாந்தம், ஆர்.பத்மா
இயக்கம் : ஏ.டி.கிருஷ்ணசாமி, ஏ.வி.மெய்யப்பன்
தயாரிப்பு : பிரகதி புரொடக்ஷன்
வெளியான ஆண்டு : 1941

பம்மல் சம்பந்த முதலியார் எழுதிய, சபாபதி என்ற நாடகம், அதே பெயரில் திரைப்படமானது. ஏ.டி.கிருஷ்ணசாமியும், ஏ.வி.மெய்யப்ப செட்டியாரும் இணைந்து, இயக்கினர். தமிழில் வெளிவந்த முதல், முழுநீள காமெடி படம். பள்ளிக்கூட குறும்பு காட்சிகளுக்கும், உடல் மொழிக்கும் ஆத்திச்சூடி எழுதியதே, சபாபதி படம் தான் என்று கூறலாம்.

பணக்கார முதலாளிக்கு மகனான சபாபதி - டி.ஆர்.ராமச்சந்திரன், படிப்பில் மந்தம். அவருக்கு, படிக்கும் போதே, பத்மாவை திருமணம் செய்து வைத்து விடுகின்றனர். தேர்வில் வெற்றி பெற்றால் தான் முதலிரவு என, கண்டிஷன் போடுகிறார் தந்தை. மனைவியை, மாமியார் வீட்டில் விட்டு விட்டு அவஸ்தைப்படுகிறார் சபாபதி. தலை தீபாவளிக்கு மாமியார் வீட்டுக்கு வந்த சபாபதி, மனைவியுடன் இணைந்தாரா... தேர்வில் தேர்ச்சி பெற்றாரா என்பது தான் மீதிக்கதை.

அன்றைய, லக்ஸ் சோப் விளம்பர மாடல் தான், இப்படத்தின் நாயகி பத்மா. படத்தில் மற்றொரு சபாபதியாக வரும், காளி என்.ரத்தினமும், டி.ஆர்.ராமச்சந்திரனும் செய்யும் காமெடி காட்சிகள், இன்றைய கவுண்டமணி - செந்தில் ரகம். இப்படத்தில் காளி - என்.ரத்தினத்திற்கு, 3,000 ரூபாய் சம்பளம். அப்போது, அதிக சம்பளம் வாங்கியவரின் பட்டியலில் இவர் தான் முதலிடம். நாயகனாக நடித்த, டி.ஆர்.ராமச்சந்திரனுக்கு மாதம், 35 ரூபாய் தான்.

நாயகனுக்கு இணையான காமெடியன் வேடத்தில், இன்னொரு சபாபதியாக காளி என்.ரத்தினம். சி.டி.ராஜகாந்தத்தோடு இவர் செய்யும் காமெடி காட்சிகள், இன்னொரு என்.எஸ்.கிருஷ்ணன் - மதுரம் ரகம். இது ஒரு உண்மை சம்பவத்தை அடிப்படையாக கொண்ட படம் என, இப்போது பலர் சொல்வதை கேட்டிருப்போம். தன் நண்பர் ஸ்ரீனிவாசனின் வேலைக்காரர் நரசிம்மன் தான், வேலைக்கார சபாபதி பாத்திரத்திற்கு, ரோல்மாடல் என்பதை, பம்மல் சம்பந்தம் ஒரு முறை கூறியிருந்தார்.

சபாபதி நாடகமாக அரங்கேறிய போது, வேலைக்கார சபாபதியாக பம்மல் சம்பந்தம் நடித்தார். அதை பார்த்த காளி என்.ரத்தினம், இந்த மாதிரி ஒரு பாத்திரத்தில் தான், நடிக்க வேண்டும் என்று விரும்ப, சபாபதி திரைப்படமாக உருவான போது, அவரது விருப்பம் நிறைவேறியது. முழு நீள காமெடி படமாக இருந்தாலும், அந்த காலத்தில், தமிழ் ஆசிரியர்களின் நிலை, பணக்காரர்களுக்கான மதிப்பு, ஏழை, பணக்காரன் வித்தியாசம், ஆங்கில மொழியின் தாக்கம் என, ஒரு சமூகப் படத்திற்கான அந்தஸ்து, இப்படத்திற்கு இருந்தது.

Advertisement
கருத்துகள் (4) கருத்தைப் பதிவு செய்ய
மறக்க முடியுமா... கல்யாண பரிசுமறக்க முடியுமா... கல்யாண பரிசு மறக்க முடியுமா... பாகப்பிரிவினை மறக்க முடியுமா... பாகப்பிரிவினை

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (4)

Bhaskaran - Chennai,இந்தியா
29 ஜன, 2020 - 10:25 Report Abuse
Bhaskaran இந்த படம் யு டியூபில் முழுவதுமாக கிடைக்கவில்லை .kaali ரத்தினத்தின் நகை சுவை பிரமாதமாக இருக்கும்
Rate this:
Krish - Chennai ,இந்தியா
27 ஜன, 2020 - 04:29 Report Abuse
Krish சாரங்கபாணி அவர் மனைவி பாத்திரங்களும் நன்றாக இருந்தன.
Rate this:
ரத்தினம் - Muscat,ஓமன்
26 ஜன, 2020 - 15:55 Report Abuse
ரத்தினம் அருமையான படம்
Rate this:
25 ஜன, 2020 - 13:58 Report Abuse
மெய்நிகர் எத்தனை முறை வேண்டுமானாலும் இந்த படத்தை பார்க்கலாம். அருமையான படம்
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g or click this   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Vellai yaanai
    • வெள்ளை யானை
    • நடிகர் : சமுத்திரக்கனி
    • நடிகை : ஆத்மியா
    • இயக்குனர் :சுப்பிரமணிய சிவா
    Tamil New Film Soorarai pottru
    • சூரரைப்போற்று
    • நடிகர் : சூர்யா
    • நடிகை : அபர்ணா பாலமுரளி
    • இயக்குனர் :சுதா கொங்கரா பிரசாத்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Rajavamsam
    • ராஜவம்சம்
    • நடிகர் : சசிகுமார்
    • நடிகை : நிக்கி கல்ராணி
    • இயக்குனர் :கதிர்வேலு
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2020 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in