தமிழ் சினிமா இசை உலகில் தனக்கென தனி சகாப்தத்தை உருவாக்கியவர் 'இசைஞானி' இளையராஜா. கிராமிய இசை, மேற்கத்திய கிளாசிக், கர்நாடக இசை, இந்துஸ்தானி இசை.... என அனைத்து விதமான இசைகளையும் சினிமா பாடல்களில் பயன்படுத்தி, வெற்றி கண்டவர். தமிழ் திரையுலகில் 40 ஆண்டுகளை கடந்து, 'என்றும் ராஜா'வாக, 'ராஜாதி ராஜா'வாக திகழும் இளையராஜாவை, தமிழ் சினிமா இசை கலைஞர்கள் விழா எடுத்து கொண்டாடுகின்றனர். இந்த கொண்டாட்டத்தில் 'தினமலர்' மகிழ்ச்சி கொள்கிறது.
அவரது இயற்பெயர் டேனியல் ராசைய்யா (எ) ஞானதேசிகன். 1943ம் ஆண்டு ஜூன் 2ம் தேதி பிறந்தார். சொந்த ஊர் தேனி மாவட்டம், பண்ணைபுரம்.