Dinamalar

மகேஷ்பாபு மகளை சந்தித்த ஆலியா பட்

எழுத்தின் அளவு:

பிரபல பாலிவுட் நடிகை ஆலியா பட், முதன்முதலாக தெலுங்கில், ராஜமவுலி இயக்கத்தில் உருவாகி வரும் 'ஆர்ஆர்ஆர்' என்கிற படத்தில் கதாநாயகியாக நடித்து வருகிறார். கொரோனா தாக்கத்திற்கு பிறகு, ஆலியா பட் இந்தப்படத்தில் நடிக்க வாய்ப்பே இல்லை என்பது போல அவரை சுற்றி சுழன்றடித்த சில பிரச்சனைகள் ஒரு தோற்றத்தை உருவாக்கின. அதற்கெல்லாம் முற்றுப்புள்ளி வைக்கும் விதமாக, தற்போது ஐதராபாத்தில் இந்தப்படத்தின் படப்பிடிப்பில் கலந்து கொண்டு நடித்து வருகிறார் ஆலியா பட்.

இந்நிலையில் நடிகர் மகேஷ்பாபுவின் மகள் சிறுமி சித்தாராவை சந்தித்து ஆலியா பட் சிறிது நேரம் உரையாடி மகிழ்ந்திருக்கிறார். அப்போது சித்தாராவுக்கு தான் வாங்கி வந்த ஆடையை பரிசளித்துள்ளார் ஆலியா பட்.. அவருடன் பேசி மகிழ்ந்த தருணத்தை புகைப்படத்துடன் பதிவிட்டுள்ள மகேஷ்பாபுவின் மகள், “.என்னுடைய மனம் கவர்ந்த நடிகை எனக்கு அன்பளிப்பாக கொடுத்தது. இந்த அழகான ஆடையை எனக்கு கொடுத்து, எனது நாளை அழகாக மாற்றியதற்கு நன்றி.. என்னைப்போல எல்லா குழந்தைகளையும் மகிழ்விப்பீர்கள் என நம்புகிறேன்” என குறிப்பிட்டுள்ளார்.

மகேஷ்பாபுவையும் ஆலியா பட் சந்தித்து பேசினார் என சொல்லப்பட்டாலும் இருவரும் எடுத்துக்கொண்ட புகைப்படங்கள் எதுவும் வெளியாகவில்லை என்பது குறிப்பிடத்தக்கது.

• 
  கொரோனாவிலிருந்து மீண்டு ரன்பீருடன் மாலத்தீவு பறந்த ஆலியா பட்
• 
  பிரபாஸ் படத்தில் அமிதாப்
• 
  ஹிந்தி டிவி நடிகை பாருல் சவுத்ரி குடும்பம் கொரோனாவால் பாதிப்பு
• 
  நலமாக இருக்கிறேன் : விவேக் ஓபராய் விளக்கம்
• 
  விக்ரம் வேதா ரீமேக்கிலிருந்து ஆமீர்கான் விலகியது ஏன்

• 
  தெலுங்கு படப்பிடிப்புக்காக காஷ்மீரில் முகாமிட்டுள்ள துல்கர் சல்மான்
• 
  வயதுக்கேற்ற கதாபாத்திரங்களில் சுரேஷ்கோபி
• 
  நடிப்பு தாகம் : மிரள வைக்கும் திலீப்
• 
  தெலுங்கில் ரத்தாகும் படப்பிடிப்புகள்
• 
  கொரோனா 2வது அலை: சாய் பல்லவி படம் தள்ளிவைப்பு