Dinamalar

பாலிவுட்டில் அடுத்த மரணம் : நடன இயக்குனர் சரோஜ் கான் மறைவு

பராகான், ரிஷி கபூர், சுஷாந்த் சிங் என பாலிவுட்டில் அடுத்தடுத்து இறந்த நிலையில் பாலிவுட்டின் மூத்த நடன இயக்குனர் சரோஜ் கான் மாரடைப்பால் இன்று(ஜூலை 3) காலமானார்.

கடந்த 40 ஆண்டுகளாக பாலிவுட்டில் நடன இயக்குநராக இருப்பவர் சரோஜ் கான். 2 ஆயிரம் பாடல்களுக்கு மேல் நடனம் அமைத்துள்ளார். மூன்று முறை தேசிய விருது பெற்றிருக்கிறார். இதில் ஒரு விருது, தமிழில் அதிதிராவ் நடித்த சிருங்காரம் என்ற படத்திற்காக கிடைத்தது. குறிப்பாக மாதுரி தீட்சித், மறைந்த நடிகை ஸ்ரீதேவியின் ஆகியோரின் பெரும்பாலான படங்களுக்கு ஆஸ்தான நடன இயக்குநராக இவர் தான்.

சரோஜ்கானுக்கு சில தினங்களுக்கு முன்பு திடீர் மூச்சு திணறல் ஏற்பட்டது. உடனடியாக அவர் மும்பையின் பாந்த்ராவில் இருக்கும் குருநானக் மருத்துவமனையில் அனுமதிக்கப்பட்டார். உடனடியாக அவருக்கு கொரோனா தொற்று பரிசோதனை செய்யப்பட்டது. பரிசோதனையின் முடிவில் அவருக்கு கொரோனா இல்லை என தெரிய வந்தது. இருப்பினும் சுவாசக்கோளாறு பிரச்னைக்காக தொடர்ந்து மருத்துவமனையில் சிகிச்சை பெற்று வந்தார். இந்நிலையில் இன்று அதிகாலை இவருக்கு மாரடைப்பு ஏற்பட்டு உயிர் பிரிந்தது.

சரோஜ் கானுக்கு ராஜு கான் என்ற மகனும், சுகைனா கான் என்ற மகளும் உள்ளனர். கொரோனாவால் நெருங்கிய உறவினர்கள் மட்டும் அஞ்சலி செலுத்திவிட்டு காலையிலேயே மும்பை புறநகர் மாலட் பகுதியில் இறுதிச்சடங்கு நடைபெற்றது.

அம்மாவின் மறைவுக்கு மூன்றுநாட்கள் இரங்கல் கூட்டம் நடக்கும் என சரோஜ்கானின் மகள் சுகைனா கான் தெரிவித்துள்ளார். இதற்கிடையே சரோஜ்கானின் மறைவுக்கு பாலிவுட்டின் பல பிரபலங்கள் சமூகவலைதளங்கள் வாயிலாக இரங்கல் தெரிவித்துள்ளனர்.

• 
  கொரோனா தடுப்புக்கு முதல்வரிடம் ரூ.1 கோடி நிதி வழங்கிய நடிகர் சிவகுமார் ...
• 
  சோனியா அகர்வால் நடிக்கும் ஹாரர் த்ரில்லர் 'கிராண்மா'
• 
  விபீஷணனாக நடிக்கிறேனா.? - கிச்சா சுதீப் மழுப்பல் பதில்
• 
  ரஜினி உடன் எடுத்த செல்பியை வெளியிட்ட லட்சுமி மஞ்சு
• 
  பாலகிருஷ்ணாவுடன் முதன்முதலாக இணைந்த பூர்ணா

• 
  காண்டம் பரிசோதனையாளராக நடிக்கும் ரகுல் ப்ரீத்தி சிங்
• 
  கொரோனா தடுப்புக்கு அமிதாப் பச்சன் 2 கோடி நிதி
• 
  'ராதே' வசூல் ஜீரோ - சல்மான் கான்
• 
  19 ஆண்டுகளுக்கு பின் சஞ்சய் லீலா பன்சாலி இயக்கத்தில் ஷாருக்கான்?
• 
  கை வைக்காத சென்சார் : ஆனாலும் ராதே படத்தில் 21 மாற்றங்கள்