Dinamalar

போலீசாருக்கு தன் 8 ஓட்டல்களை வழங்கிய இயக்குனர்

கொரானோ ஊரடங்கு காரணமாக டாக்டர்கள் நோயாளிகளை கண்ணும் கருத்துமாக காக்கிறார்கள் என்றால் ஊரை போலீசார் கண்ணும் கருத்துமாக காவல் காத்து வருகிறார்கள். நாடெங்கும் பல போலீசார் அவர்களது வீடுகளுக்குக் கூட போய் நேரத்தைச் செலவழிக்காமல் பாதுகாப்பு பணியில் ஈடுபட்டு வருகிறார்கள்.

பல சினிமா பிரபலங்கள் டாக்டர்களுக்கும், போலீசாருக்கும் தங்களால் ஆன உதவிகளைச் செய்து வருகிறார்கள். 'சென்னை எக்ஸ்பிரஸ்' உள்ளிட்ட பல படங்களை இயக்கிய ஹிந்தித் திரையுலகின் முன்னணி இயக்குனரான ரோகித் ஷெட்டி அவருடைய 8 ஓட்டல்களை போலீசாருக்காக வழங்கியிருக்கிறார்.

இது குறித்த தகவலை மும்பை போலீஸ் அவர்களது டுவிட்டர் தளத்தில் வெளியிட்டிருக்கிறது. “பணியில் இருக்கும் எங்களது காவலர்களுக்காக மும்பையில் உள்ள 8 ஓட்டல்களை வழங்கியிருக்கிறார் ரோகித் ஷெட்டி. போலீசார் ஓய்வெடுக்க, குளிக்க மற்றும் காலை உணவு, இரவு உணவு ஆகியவற்றையும் ஏற்பாடு செய்துள்ளார். எங்களுக்கு இப்படி உதவி செய்யும் அவரது நல்லெண்ணத்திற்கு நாங்கள் நன்றி தெரிவிக்கிறோம்,” என்று குறிப்பிட்டுள்ளார்கள்.

தமிழ் சினிமாவில் தங்களை முன்னணி இயக்குனர்கள் என்று சொல்லிக் கொள்ளும் சிலர் இதுவரை அவர்களது தொழிலாளர்களுக்குக் கூட ஒரு லட்ச ரூபாய் கூட நன்கொடை வழங்கவில்லை என்பது குறிப்பிடத்தக்கது.

• 
  யஷ் அடுத்த படம் 'கேஜிஎப் 3'யா ?, கன்னடப் படமா?
• 
  தனுஷ் நடித்துள்ள 'த கிரே மேன்' டிரைலர் இன்று வெளியீடு
• 
  ஒரே டைப் டிசைன்: பிரசாந்த் நீல் மீது விமர்சனம்
• 
  தொடர் ஹிட்டுகள், மீள்கிறதா தமிழ் சினிமா?
• 
  குஷி முதல்கட்ட படப்பிடிப்பு நிறைவு

• 
  100 மில்லியன் சொத்துக்களின் சொந்தக்காரர் ஐஸ்வர்யா ராய்
• 
  திருமணம் குறித்த கேள்வி : கியாரா அத்வானியின் பதில்
• 
  ஹிந்தியை தேசிய மொழியாக மதிக்க வேண்டும் : அர்ஜுன் ராம்பால்
• 
  நடிகையாக களமிறங்கும் பிரபல கிரிக்கெட் வீரரின் சகோதரி!
• 
  டாப்ஸி தயாரிக்கும் படத்தில் 4 ஹீரோயின்கள்