Dinamalar

குண்டு பெண் கிண்டல்: சோனாக்ஷி சின்ஹா பதிலடி

ரஜினிகாந்த் நடித்த லிங்கா படத்தில் அவரது ஜோடியாக தமிழ் சினிமாவில் அறிமுகமானவர் சோனாக்ஷி சின்ஹா. தற்போது சல்மான்கானுடன் தபங் 3 படத்தில் நடித்து வருகிறார். பேஷன் சூப்பர் ஸ்டார் என்ற டிஜிட்டல் ரியாலிட்டி ஷோ ஒன்றையும் தொகுத்து வழங்கி வருகிறார்.

அதன் சமீபத்திய வீடியோ ஒன்றில் தனக்கு சமூக வலைத்தளங்களில் நடக்கும் டிரோல்கள் பற்றி வெளிப்படையாகப் பேசியிருக்கிறார்.

“சில வருடங்களாகவே என்னுடைய உடல் பருமன் குறித்து பலமாக டிரோல் செய்யப்பட்டுள்ளேன். அதற்கு எதிராக கருத்து தெரிவிக்க வேண்டும் என்று நினைத்ததேயில்லை. அவர்களைவிட நான் பெரியவள் என்பதே அதற்குக் காரணம். 30 கிலோ குறைந்த பின்னும் கிண்டலடித்தார்கள். எனது வளைவுகள், எனது எடை, எனது இமேஜ், என நான் எதையும் மறைப்பதில்லை,” என்று தெரிவித்துள்ளார்.

மேலும், அந்த வீடியோவின் ஆரம்பத்தில் அவர் எப்படியெல்லாம் கிண்டலடிக்கப்பட்டார் என்பதையும் தெரிவித்துள்ளார்.

“கேட்வாக்கில் மாடு, ஆன்ட்டி ஜி, குண்டு, யானை,” என்றெல்லாம் சமூக வலைத்தளங்களில் தன்னை கிண்டலடித்துள்ளார்கள் எனக் குறிப்பிட்டுள்ளார்.

உடல் பருமனைப் பற்றிய கிண்டல்களுக்கும், அது சார்ந்த நகைச்சுவைக்கும் தற்போது கடும் எதிர்ப்பு கிளம்பியுள்ளது. விஜய் நடித்து சமீபத்தில் வெளிவந்த பிகில் படத்தில் இடம் பெற்ற குண்டம்மா வசனத்திற்கும் பலரும் எதிர்ப்பு தெரிவித்துள்ளார்கள்.

Let's talk about the elephant in the room!

For years I've been trolled because of my weight. I've never felt the need to react because I always believed i was #BiggerThanThem... pun intended. But on the next episode of @MyntraFS I asked the contestants to take to social media, pic.twitter.com/wvu1P9OY2o
— Sonakshi Sinha (@sonakshisinha) October 30, 2019

• 
  30 மில்லியன் பாலோயர்களைக் கடந்த சமந்தா
• 
  பொங்கலுக்கு வெளியாகும் ‛அரண்மனை 4'
• 
  ஹிட்லர் ஆக மாறிய விஜய் ஆண்டனி
• 
  சித்தார்த்திடம் மன்னிப்பு கேட்ட சிவராஜ்குமார்
• 
  விஜய் தேவரகொண்டா 13வது படத்தின் புதிய அப்டேட்

• 
  'அனிமல்' படத்தில் அப்பா மகன் உறவு
• 
  ஹிந்தித் திரையுலகை ஒரே ஆண்டில் இரண்டு முறை மீட்ட ஷாரூக்கான்
• 
  ஹிந்தி நடிகை வஹீதா ரஹ்மானுக்கு தாதா சாகேப் பால்கே விருது
• 
  சிங்கம் போன்ற படங்கள் சமூகத்திற்கு தவறான செய்தியை சொல்கின்றன : ...
• 
  ஹிந்தி நடிகை பரிணீதி சோப்ரா திருமணம்