Dinamalar

கேன்சர் பாதிப்பு அகந்தையை அழித்தது : மனிஷா

பிரபல இந்தி நடிகை மனிஷா கொய்ராலா. தமிழ் படங்களிலும் நடித்து, தமிழ் பட ரசிகர்கள் மத்தியில் பிரபலமாக இருந்தவர். அவருக்கு திடீரென கேன்சர் பாதிப்பு இருப்பது கண்டுபிடிக்கப்பட்டது. உடைந்து போன நிலையில் இருந்த மனிஷாவை தேற்றி, சிகிச்சைக்காக அமெரிக்காவுக்கு அழைத்துச் சென்றனர். அங்கு சிகிச்சையளிக்கப்பட்டதில், கேன்சர் பாதிப்பில் இருந்து மீண்டு விட்டார்.

பின், இந்தியாவுக்குத் திரும்பிய அவர், மீண்டும் நடிப்பில் கவனம் செலுத்தத் துவங்கினார். மீண்டும் பிஸியான நடிகையாகி இருக்கும் மனிஷா, தன்னுடைய வாழ்க்கையை பதிவு செய்ய வேண்டும் என்று விரும்பினார். குறிப்பாக, தான் கேன்சர் பாதிப்புகளில் இருந்து மீண்டது குறித்தெல்லாம் புத்தகம் எழுத முடிவெடுத்து, 'healed' என்ற தலைப்பில், தெளிவாக எழுதி இருக்கிறார். அதில் தன்னுடைய சினிமா வாழ்க்கைக் குறித்தும் அவர் எழுதியிருக்கிறார். அதில், அவர் எழுதி இருப்பதாவது:

இடைவிடாமல் சினிமாவில் நடித்துக் கொண்டிருந்தேன். நடிப்பு... நடிப்பு... நடிப்பு இவை தவிர வேறு எதுவுமே எனக்குத் தெரியவில்லை. ஒரே ஓட்டமாக ஓடியதால், உள்ளமும்; உடலும் பலவீனப்பட்டது. அதையும் பொருட்படுத்தாமல் ஓடினேன். பின், ஒரு கட்டத்தில், கேன்சர் பாதிப்பு கண்டறியப்பட்டது. ஓய்வில்லாமல் சினிமாவில் ஓடியதால், உலகமே என் காலடிக்கு கீழே இருப்பதை போன்றே உணர்ந்தேன். பின் தான், அதெல்லாமே மாயை என்று உணர்ந்தேன். தற்போது, கேன்சர் பாதிப்பிலிருந்து மீண்டு விட்டாலும், ஒரு விதத்தில், அது என் அகந்தையை இல்லாமல் செய்து விட்டது.

இவ்வாறு மனிஷா கொய்ராலா புத்தகத்தில் எழுதியிருக்கிறார்.

• 
  ஜெயிலர் படப்பிடிப்புக்கு நடுவே கத்தார் சென்ற இயக்குனர் நெல்சன்
• 
  டிச., 10ல் ‛லத்தி' டிரைலர் ; 22ல் படம் ரிலீஸ்
• 
  ரத்தன் டாடா வாழ்க்கை படம் : சுதா தந்த விளக்கம்
• 
  திருமணத்தின்போது உருவக்கேலி செய்தனர்: மஞ்சிமா
• 
  விட்னஸ் : 9ம் தேதி 5 மொழிகளில் ஓடிடியில் வெளியாகும் ஷ்ரத்தா ஸ்ரீநாத் படம்

• 
  மெக்காவில் ஷாருக்கான்
• 
  நடிகை நோரா அமலாக்கத்துறை முன் ஆஜர்
• 
  தேசியக்கொடியை தலைகீழாக பறக்கவிட்டு சர்ச்சையில் சிக்கிய பாலிவுட் நடிகை
• 
  ரன்வீர் சிங் - பூஜா ஹெக்டே நடித்துள்ள சர்க்கஸ் பட டிரைலர் வெளியீடு
• 
  நடிகை மலாய்க்கா அரோரா கர்ப்பமா? - அர்ஜூன் கபூர் காட்டம்