Dinamalar

குழந்தை பற்றிய அறிவிப்பை வெளியிட்ட பிரியங்கா சோப்ரா

பாலிவுட்டின் பிரபலமான நடிகைகளில் ஒருவர் பிரியங்கா சோப்ரா. இவருக்கும் பிரபல அமெரிக்க பாடகரும், நடிகருமான நிக் ஜோனசுக்கும் 2018ம் ஆண்டு இந்தியாவில் திருமணம் நடைபெற்றது.

சில மாதங்களுக்கு முன்பு அவரது சமூக வலைத்தளங்களில் பிரியங்கா சோப்ரா ஜோனஸ் என்று இருந்த பெயரை பிரியங்கா சோப்ரா என மாற்றியதைத் தொடர்ந்து அவரும் நிக் ஜோனசும் பிரிந்துவிட்டதாக சில ஊடகங்கள் செய்திகளை வெளியிட்டன. அதற்கு பதிலடி கொடுக்கும் விதமாக உடனடியாக தனது கணவரின் உடற்பயிற்சி வீடியோ ஒன்றைப் பதிவிட்டு சர்ச்சைகளுக்கு முற்றுப்புள்ளி வைத்தார்.

தற்போது பிரியங்கா சோப்ரா, நிக் ஜோனஸ் இருவரும் தங்களது குழந்தை பற்றிய அறிவிப்பு ஒன்றை ஒன்றாக வெளியிட்டுள்ளனர். “வாடகைத் தாய் மூலம் நாங்கள் ஒரு குழந்தையை வரவேற்பதை உறுதி செய்வதன் மூலம் மிகவும் மகிழ்ச்சியாக இருக்கிறோம். இந்த சிறப்பான தருணத்தில் எங்கள் குடும்பத்தில் கவனம் செலுத்த எங்கள் தனியுரிமைக்கு மதிப்பளிக்கும்படி கேட்டுக் கொள்கிறோம், மிக்க நன்றி,” என இருவரும் அறிக்கை ஒன்றை வெளியிட்டுள்ளனர்.

இதற்கு மேல் வேறு எந்த விவரங்களையும் அவர்கள் தெரிவிக்கவில்லை. இவர்களுக்கு பல்வேறு சினிமா பிரபலங்களம் வாழ்த்துகளைத் தெரிவித்து வருகிறார்கள்.

• 
  சித்தா படத்திற்கும், காவிரி பிரச்னைக்கும் தொடர்பில்லை : சித்தார்த்
• 
  போதைக்கு எதிராக போராடும் சாலா
• 
  உறுப்பினர்கள் பற்றி அவதூறு பரப்பினால் நடவடிக்கை: தயாரிப்பாளர் சங்கம் ...
• 
  ரஜினி 170 : புது ஹேர்ஸ்டைலில் ரஜினிகாந்த்…
• 
  ஸ்ரீதேவி மறைவுக்கு என்ன காரணம்? - போனி கபூர் விளக்கம்

• 
  மெரி கிறிஸ்துமஸ் படத்தின் ரிலீஸ் தேதி மாற்றம்
• 
  டைகர் ஷெராப் படத்தின் தமிழ் டீசரை வெளியிட்ட த்ரிஷா
• 
  'அனிமல்' படத்தில் அப்பா மகன் உறவு
• 
  ஹிந்தித் திரையுலகை ஒரே ஆண்டில் இரண்டு முறை மீட்ட ஷாரூக்கான்
• 
  ஹிந்தி நடிகை வஹீதா ரஹ்மானுக்கு தாதா சாகேப் பால்கே விருது