Dinamalar

மறக்க முடியுமா? - டிக் டிக் டிக்

படம்: டிக் டிக் டிக்
வெளியான ஆண்டு: 1981
நடிகர்கள்: கமல், மாதவி, ராதா
இயக்கம்: பாரதிராஜா
தயாரிப்பு: ஆர்.சி.பிரகாஷ்

பழைய படங்களின் பெயர்களை, புதிய படங்களுக்கும் வைப்பதால், ஏகப்பட்ட தொல்லை. தமிழில் தலைப்புகளுக்காக பஞ்சம், திரைத்துறையினரே?கடந்த, 1981ல், கமல் நடிப்பில் வெளியான, வைரம் கடத்தல் தொடர்பான படம், டிக் டிக் டிக். இதே பெயரில், சமீபத்தில், ஜெயம் ரவி நடிப்பில், விண்வெளி தொடர்பான படம் வெளிவந்தது.

கமல் நடிப்பில் வெளியான, டிக் டிக் டிக் படம், சுவாரஸ்யமானது. கலைமணி எழுதிய கதைக்கு, திகிலும், பரபரப்பும் நிறைந்த திரைக்கதையை வடிவமைத்து, இயக்கியிருந்தார், பாரதிராஜா.

வெளிநாடுகளுக்கு, 'மாடலிங்' தொடர்பாக சென்று வரும் அழகிகள், மர்மமான முறையில் கொலை செய்யப்படுவர். அவர்களுக்குள் இருக்கும் ஒற்றுமை மற்றும் கொலைக்கான காரணங்களையும், புகைப்படக் கலைஞரான, கமல் கண்டறிவார். பெண்களின் உடல்களை, வைரங்கள் கடத்த பயன்படுத்துவது தெரிய வரும்.

இப்படத்தில் இருந்த பரபரப்புக்காகவே, தெலுங்கு மற்றும் ஹிந்தியில், இப்படம், 'ரீமேக்' செய்யப்பட்டது. டிக் டிக் டிக் படத்திற்கு, இளையராஜா இசையில், கண்ணதாசன், வைரமுத்து ஆகியோர் பாடல்கள் எழுதினர். 'நேற்று இந்த நேரம்...' பாடலை, லதா ரஜனிகாந்த் பாடினார் என்பது குறிப்பிடத்தக்கது. 'இது ஒரு நிலா காலம், பூ மலர்ந்திட...' ஆகிய பாடல்கள், இன்றும் பலரின் விருப்ப பாடலாக உள்ளன.

இப்படத்தில், மூன்று கதாநாயகியர், நீச்சல் உடையில் தோன்றியது, அன்றைய காலத்தில் பரபரப்பாக பேசப்பட்டது. இப்படத்துடன் வெளியான, அந்த ஏழு நாட்கள் பெரும் வெற்றி பெற்றது. டிக் டிக் டிக் படம், முதலுக்கு மோசமில்லை.இப்படத்தை, இப்போது ரீமேக் செய்யலாம். 1981ல் விட்டதை, 2020களில் பிடித்துவிடலாம்.

• 
  14 மாதங்கள் சித்ரவதை : நடிகை பரபரப்பு புகார்
• 
  'பாகுபலி 2' வசூலை முறியடிக்குமா 'பதான்' ?
• 
  பாலிவுட்டில் புதிய சாதனை படைத்துள்ள ஷாரூக்கான்
• 
  மகளை உலகிற்கு அறிமுகப்படுத்திய பிரியங்கா சோப்ரா
• 
  அதிவேக சாதனையில் 'பதான்' : 5 நாளில் ரூ.500 கோடி வசூல்

• 
  மறக்க முடியுமா? - வெயில்
• 
  மறக்க முடியுமா? - திமிரு
• 
  மறக்க முடியுமா? - வேட்டையாடு விளையாடு
• 
  மறக்க முடியுமா? - வரலாறு
• 
  மறக்க முடியுமா? - தம்பி