Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » நட்சத்திரங்களின் பேட்டி »

சினிமா ஒரு சூதாட்டம்: பயில்வான் ரங்கநாதன் காட்டம்!

19 நவ, 2019 - 10:38 IST
எழுத்தின் அளவு:
Bayilvan-Ranganathan-about-Todays-Cinema

எந்த படம் ஜெயிக்கும்; எது தோற்கும் என்ற ரகசியத்தை, சினிமாவில் இன்று வரை யாரும் கண்டுபிடிக்கவில்லை. சினிமா ஒரு சூதாட்டம், என்கிறார், நடிகர், பயில்வான் ரங்கநாதன். அவருடன் பேசியதிலிருந்து:

உங்களுக்கு, பயில்வான் என்ற பட்டத்தை எம்.ஜி.ஆர்., கொடுத்தாரா?
ஆமாம். ஆனால், நான் நிஜமான பயில்வான் இல்லை. மல்யுத்தம் அல்லது குத்துச்சண்டை போட்டியில் ஜெயித்தவர்களை தான், பயில்வான் என்பர். நான், பளு துாக்குதல் போட்டியில் ஆர்வமாக இருந்ததால், என் உடல்வாகுவை பார்த்து, எம்.ஜி.ஆர்., என்னை பயில்வான் என அழைப்பார். என்னை, ரங்கநாதன் என்றால் யாருக்கும் தெரியாது. பயில்வான் ரங்கநாதன் என்றால் தான் தெரியும்.

நிரந்தர காமெடி நடிகரானது எப்போது?
ஆரம்பத்தில், உடற்பயிற்சிக்கு ஆகும் செலவை கருத்தில் வைத்து, நடிக்க தெரியாது என கூறியும், என்னை நடிகனாக்கியது, எம்.ஜி.ஆர்., தான். பாக்யராஜ், முந்தானை முடிச்சு படத்தில், என்னை வைத்தியராக நடிக்க வைத்தார். 24 வயதிலேயே, 70 வயது கிழவனாக நடித்தேன். அதன் பின், என்னை நிரந்தர காமெடியனாக ஏற்றுக் கொண்டனர்.

சினிமா விமர்சகராக உங்கள் பணி?
சினிமாவுக்கு வந்து, 40 ஆண்டு ஆகிவிட்டது. அரங்கேற்றம் படத்திற்கு, விமர்சனம் எழுத ஆரம்பித்த என் எழுத்துப் பணியும் தொடர்கிறது. ரயில் தண்டவாளம் போல், நடிப்பும், எழுத்துப்பணியுமாக என் பயணம் சென்று கொண்டிருக்கிறது.

சினிமாவில் இருந்தபடியே, பத்திரிகையாளராக அதை விமர்சிக்கும் போது கண்டனம் வருகிறதா?
உண்மை தான். இதனால், எனக்கு நடிக்க வாய்ப்பு தரவும், சிலர் பயப்படுகின்றனர். சினிமாவில் நடித்து, 10 ஆயிரம் ரூபாய் சம்பாதிப்பதை, பத்திரிகையாளராக, 1,000 ரூபாய் சம்பாதிப்பேன்; அவ்வளவு தான். நேர்மையான விமர்சகன் என்ற அளவில், எனக்கு நிம்மதி உண்டு. நியாயமான விமர்சனத்தை, தயாரிப்பாளர்கள் எப்போதும் ஏற்பர். சிலர், உள்குத்து வைத்து விமர்சிப்பர்; அந்த பழக்கம் எனக்கு இல்லை.

சினிமாவில் எத்தனை சங்கத்தில் உறுப்பினராக உள்ளீர்கள்?
நான், எந்த சங்கத்திலும் உறுப்பினராக இல்லை. நான் சுதந்திரமானவன். ஆரம்பத்தில், நடிகர் சங்கத்தில் உறுப்பினராக இருந்தேன். இப்போது, எதிலும் உறுப்பினராக இல்லை.

உங்கள் பார்வையில் இன்றைய சினிமா?
சினிமா என்பது, இப்போது சூதாட்டமாகி விட்டது. இந்த நடிகருக்கு, இவ்வளவு தான் விலை என தெரிந்தும், அதிகமாக கொடுத்து ஏமாறுகின்றனர். ரம்மியில், நான்கு நல்ல கார்டு இருந்தாலும், ஒரு கார்டு சேர்ந்தால் தான், ரம்மி அடிக்க முடியும். நான்கு சுற்று வந்த பின், வேறு ஒருவன் திடீரென ரம்மி அடித்து விடுவான். இது தான் சினிமா. எந்த படம் ஜெயிக்கும்; எது தோற்கும் என்ற ரகசியத்தை, இன்று வரை யாரும் கண்டுபிடிக்கவில்லை. சினிமா சங்கங்களுக்கு இடையே, இன்னும் ஒற்றுமை வேண்டும்.

தமிழகத்தில் அரசியல் வெற்றிடம் இருப்பதாக கூறுகின்றனர்; அதை ரஜினி, கமல் இருவரில் யார் நிரப்புவர்?
சத்தியமாக யாராலும் நிரப்ப முடியாது. எம்.ஜி.ஆர்., ஒருவர் தான், கொடை வள்ளல் என்ற பெயரோடு, சினிமாவிலும், அரசியலிலும் வெற்றி பெற்றார். அவர் இடத்தை, சினிமாவில் கூட இன்னும் யாரும் நிரப்பவில்லை. அரசியலிலும், அவர் இடத்தை யாராலும் நிரப்ப முடியாது. அவரை போன்ற தலைமையை யாராலும் தர முடியாது.

உங்கள், பிட்னஸ் ரகசியம்?
தனி மனித ஒழுக்கம் அவசியம். எம்.ஜி.ஆர்., பக்தன் என்பதால், மது அருந்துவது இல்லை. பசிக்கும் போது சாப்பிட வேண்டும். நான்கு பேருக்கு நல்லது செய்ய வேண்டும் என, நினைக்கக் கூட வேண்டாம்; கெட்டது செய்யக்கூடாது என, நினைத்தால் போதும். நம் உடலும், மனமும் ஆரோக்கியமாக இருக்கும்.

Advertisement
கருத்துகள் (7) கருத்தைப் பதிவு செய்ய
ஆதித்ய வர்மா டூ அர்ஜூன் ரெட்டி : மனம் திறக்கும் துருவ் விக்ரம்ஆதித்ய வர்மா டூ அர்ஜூன் ரெட்டி : மனம் ... எனக்கு கடவுள் நம்பிக்கை உண்டு: ஆர்.ஜே.பாலாஜி எனக்கு கடவுள் நம்பிக்கை உண்டு: ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (7)

Rangiem N Annamalai - bangalore,இந்தியா
21 நவ, 2019 - 13:43 Report Abuse
Rangiem N Annamalai சிறப்பாக பேசியுள்ளார் .
Rate this:
Jawa - Erode,இந்தியா
21 நவ, 2019 - 00:46 Report Abuse
Jawa தனி மனித ஒழுக்கத்தை பற்றி பேசும் இவர் "அச்சம் என்பது மடமையடா" திரைப்பட ஆடியோ ரிலீஸ்ல் கவிஞர் தாமரையை பற்றி தரக்குறைவான கேள்வி கேட்டதை தவிர்த்து இருக்கலாம்.
Rate this:
meenakshisundaram - bangalore,இந்தியா
20 நவ, 2019 - 03:49 Report Abuse
meenakshisundaram சினிமாவில் நல்ல உள்ளங்கள் இருப்பதை நினைத்தாலே மனம் அமைதி பெறுகிறது. ஏனெறால் இவரின் கருத்துப்படி அது ஒரு சூதாட்டம் மட்டுமின்றி ஏனைய அவலங்களும் கொண்டுள்ளது.கல்விக்கு சிறிதும் தகுதி இல்லாமல் இருப்பவர்களே .அதிலும் சிறு வயதில் வீட்டை விட்டு ஓடி வந்தவர் களே (எல்லோரும் அல்ல )அதில் பெரிய லெவெலுக்கு varukinranar.இப்போது காலத்துக்கேற்ப சிறிது மாறுதல்கள் இருக்கலாம்.
Rate this:
skv srinivasankrishnaveni - Bangalore,இந்தியா
19 நவ, 2019 - 20:45 Report Abuse
skv srinivasankrishnaveni தடையாய் லேட் கண்டுபிடிப்பு பொய்யப்போ
Rate this:
A.George Alphonse - Visakhapatnam,இந்தியா
19 நவ, 2019 - 15:40 Report Abuse
A.George Alphonse முதிர்ச்சியின் அறிவுரை.வரவேற்க தக்கது.
Rate this:
மேலும் 2 கருத்துக்கள்...

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Mookuthi Amman
    • மூக்குத்தி அம்மன்
    • நடிகர் : ஆர்ஜே பாலாஜி
    • நடிகை : நயன்தாரா
    • இயக்குனர் :என்.ஜே.சரவணன் – ஆர்.ஜே.பாலாஜி
    Tamil New Film Soorarai pottru
    • சூரரைப்போற்று
    • நடிகர் : சூர்யா
    • நடிகை : அபர்ணா பாலமுரளி
    • இயக்குனர் :சுதா கொங்கரா பிரசாத்
    Tamil New Film Rajavamsam
    • ராஜவம்சம்
    • நடிகர் : சசிகுமார்
    • நடிகை : நிக்கி கல்ராணி
    • இயக்குனர் :கதிர்வேலு
    Tamil New Film Vellai yaanai
    • வெள்ளை யானை
    • நடிகர் : சமுத்திரக்கனி
    • நடிகை : ஆத்மியா
    • இயக்குனர் :சுப்பிரமணிய சிவா
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2020 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in