'மார்க் ஆண்டனி' வெற்றியைத் தக்க வைப்பாரா 'ரத்னம்'? | 'விக்ரம், லியோ, கூலி' - டைட்டில் டீசர் வீடியோ, எது பெஸ்ட்? | 10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் பரஸ்பரம் குற்றச்சாட்டு | ஜன கன மன 2 எப்போது? - இயக்குனர் தகவல் | ஆவேசம் படத்துக்கு சமந்தா பாராட்டு | சிறிய படங்களை நசுக்குகிறதா ரீ-ரிலீஸ் படங்கள்? | சைக்கிளில் சென்று ஓட்டு போட்டது ஏன் : விஷால் | அயோத்தியில் இடம் வாங்கிய அமிதாப்பச்சன் | இயக்குனர் 'பசி' துரை மறைவு | சினிமாவில் வளர திறமை மட்டுமே போதாது : பரிணிதி சோப்ரா |
மோகன்லால் நடிப்பில் பிரியதர்ஷன் இயக்கி உள்ள மலையாள திரைப்படமான மரைக்கார் அரபிக் கடலின்ட சிம்மம் படத்திற்கு 3 தேசிய விருகள் கிடைத்திருக்கிறது. கொரோனா காலம் என்பதால் படம் இன்னும் வெளியாகவில்லை. இந்த படத்தில் அசோக் செல்வனும் நடித்திருக்கிறார்.
இதுகுறித்து அசோக் செல்வன் கூறியிருப்பதாவது: மரைக்கார் அரபிக்கடலிண்டே சிம்ஹம் ஒரு அழகான திரைப்படம். இந்திய அளவில் எல்லா வகையிலும் சிறந்ததொரு நடிகரென, புகழ்பெற்ற நடிகர் மோகன்லாலுடன் நடிக்கும் வாய்ப்பு கிடைத்த போது, நான் மிகப்பெரும் மகிழ்ச்சி அடைந்தேன். அந்த நொடியை வார்த்தைகளால் விவரித்துவிட முடியாது.
பிரியதர்ஷன் போன்ற இயக்குநரின் படத்தில் நடிப்பது மிகப்பெரும் பெருமை. சினிமாவின் அத்தனை சாத்தியங்களையும் தினசரி படப்பிடிப்பில் அவரிடம் கற்றுக் கொண்டேன். மிகப்பெரும் பட்ஜெட்டில், மிகப்பெரும் ஆளுமைகள் இணைந்து உருவாக்கியுள்ள இத்திரைப்படம் ப்ளாக்பஸ்டர் வெற்றியடையும் எனும் நம்பிக்கையை, அனைவருக்கும் தந்துள்ளது.
விநியோக களத்திலும் திரையரங்கிலும் இப்படம் கொண்டாடப்படும் என்பதில் எனக்கு அசைக்க முடியாத நம்பிக்கை உள்ளது. அனைத்தையும் கடந்து, மிகபெரும் பெருமை மற்றும் மிகப்பெரும் மகிழ்ச்சி யாதெனில் எங்கள் திரைப்படம் சிறந்த படம், சிறந்த ஸ்பெஷல் எபெக்ட்ஸ், சிறந்த உடை வடிவமைப்பு என மூன்று தேசிய விருதுகளை வென்றிருப்பது தான்.
2020 மிக இனிமையான ஆண்டாக துவங்கியது. எனது திரைப்படம் ஓ மை கடவுளே ஒரு நடிகராக மிகப்பெரும் பாராட்டுக்களை பெற்று தந்தது. மரைக்கார் அரபிக்கடலிண்டே சிம்ஹம் படம் மூலம் மிகப்பெரும் அடையாளம் கிடைக்கும் என்று காத்திருந்தேன். ஆனால் பொதுமுடக்கம் காரணமாக படத்தின் வெளியீடு தள்ளிவைக்கப்பட்டது. தற்போது படத்திற்கு கிடைத்திருக்கும் தேசிய விருதுகள் படத்தின் மீது இந்தியளவில் பெரும் எதிர்பார்ப்பை உருவாக்கியிருக்கிறது.
ஒரு நடிகராக தமிழ் மட்டுமல்லாது, தெலுங்கில் நின்னில நின்னில மற்றும் மலையாளத்தில் மரக்கர் அரபிக்கடலிண்டே சிம்ஹம் என மற்ற மொழி திரைப்படங்களிலும் பணியாற்றுவது, சினிமா குறித்து நிறைய கற்றுக்கொள்ளும் அனுபவத்தை தருகிறது. இவ்வாறு அவர் கூறினார்.