டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
முண்டாசுப்பட்டி படத்தை இயக்கிய ராம்குமார், அதன்பிறகு இயக்கி வெளிவந்த படம் ராட்சசன். விஷ்ணு, அமலாபால், முனீஷ்காந்த், காளிவெங்கட் முக்கிய வேடங்களில் நடித்திருந்தார்கள். கடந்த 25 நாட்களாக தொடர்ந்து ஓடிக் கொண்டிருக்கும் இந்த படத்தில் கிறிஸ்டோபர் என்ற வில்லன் வேடத்தில் சரவணன் என்பவர் நடித்திருந்தார்.
ஆனால் அவரது முகம் முற்றிலுமாக மாற்றப்பட்டிருந்தது. அதனால் அந்த வில்லன் யார் என்பது குறித்து எழுந்த கேள்விகளுக்கு விரைவில் சொல்கிறேன் என்று கூறிவந்தார் ராம்குமார். இந்நிலையில் நேற்று ராட்சசன் படத்தில் வில்லனாக நடித்த சரவணன் என்பவரை மீடியாக்களுக்கு அறிமுகம் செய்து வைத்தார் அவர்.
அதையடுத்து சரவணன் பேசும்போது, நான் சினிமாவில் ஒரு இடத்த பிடிக்க பல வருடங்களாக போராடி வருகிறேன். ஓரிரு படங்களில் சிறிய வேடங்களில் நடித்துள்ளேன். இப்போது நானே எதிர்பார்க்காத அளவுக்கு ஒரு மிகப்பெரிய வில்லன் வேடத்தை கொடுத்து என்னை ஆச்சர்யப்படுத்தி விட்டார் ராம்குமார். அதோடு முகத்தை மாற்றி நடித்த என்னை மீடியாக்களுக்கு அறிமுகம் செய்யவே ஒரு விழா எடுத்துள்ளார். இதை எனக்கு கிடைத்த பெருமையாக கருதுகிறேன்.
இந்தப்படத்தில் மேஜிக் மேனாக நடித்ததால், அதற்காக முறையாக பயிற்சி எடுத்து நடித்தேன். மேலும், என் உடம்பு முழுக்க மேக்கப் போட்டு என் தோற்றத்தையே மாற்றியிருந்ததால் மேக்கப்பை கலைக்கும் வரை ஜூஸ் மட்டுமே குடித்து நடித்தேன். சில நாட்களில் பசியால் மயக்கம் வந்து தடுமாறியிருக்கிறேன். அந்த அளவுக்கு இந்த கிறிஸ்டோபர் வேடத்திற்காக நான் கஷ்டப்பட்டிருக்கிறேன் என்றார்.