இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
அறிமுக இயக்குனர் மித்ரன் இயக்கத்தில், யுவன்ஷங்கர் ராஜா இசையமைப்பில், விஷால், சமந்தா, அர்ஜுன் மற்றும் பலர் நடிப்பில் மே 11ம் தேதி வெளிவந்த 'இரும்புத் திரை' நல்ல வரவேற்பைப் பெற்று வெற்றியைப் பெற்றது. விஷால் நடித்து இதுவரை வெளிவந்த படங்களில் அதிக வசூலைப் பெற்ற படமாக இந்தப் படம் அமைந்துள்ளது. இப்படம் தெலுங்கிலும் 'அபிமன்யுடு' என்ற பெயரில் வெளியாகி சுமார் 10 கோடி வரை லாபத்தைக் கொடுத்தது.
இப்போது இந்தப் படத்தின் இரு மொழிகளின் மொத்த வசூல் நிலவரம் வெளியாகியுள்ளது. தமிழ்நாட்டில் மட்டும் சுமார் 30 கோடி வசூலைப் பெற்றுள்ள இந்தப் படம் 16 கோடி வரை லாபத்தைக் கொடுத்துள்ளது. மற்ற மாநிலங்களில் தெலுங்கு உட்பட 20 கோடி வசூலித்து இந்தியாவில் மட்டும் வசூலாக 50 கோடியைக் கடந்துள்ளது. வெளிநாடுகளில் சுமார் 10 கோடியை வசூலித்துள்ளது. அது மட்டுமல்லாமல் இந்தப் படத்தின் சாட்டிலைட் உரிமை, டிஜிட்டல் உரிமை ஆகியவற்றின் மூலம் சுமார் 15 கோடி வரை கிடைக்கும். மற்ற உரிமைகளையும் சேர்த்தால் மொத்தமாக 80 கோடிக்கும் மேல் இந்தப் படம் மூலம் வருவாய் கிடைத்துள்ளது என்கிறார்கள்.
விஷாலின் இதற்கு முந்தைய பெரிய வசூல் படமாக 'சண்டக்கோழி' படம்தான் இருந்தது. அந்த வசூலை 'இரும்புத்திரை' முறியடித்துள்ளது. 'இரும்புத்திரை' வசூலை அக்டோபர் 18ல் வெளிவர உள்ள 'சண்டக்கோழி 2' படம் முறியடிக்குமா என்பதுதான் அடுத்த எதிர்பார்ப்பு.