டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
சி.எஸ்.அமுதன் இயக்கத்தில் மிர்ச்சி சிவா நடித்துள்ள படம் தமிழ்ப்படம்-2. ஏற்கனவே அவர்கள் வெளியிட்ட தமிழ்ப்படம் என்ற படத்தின் இரண்டாம் பாகம் என்ற போதும், இந்த படத்திற்கு தமிழ்ப்படம் 2.0 என்று பெயர் வைத்திருந்தனர். ஆனால் அந்த தலைப்பு கிடைக்கவில்லை என்றதும் இப்போது தமிழ்ப்படம் 2 என்று மாற்றி படத்தை இந்த மாதம் வெளியிட தயாராகி விட்டனர்.
இந்த படத்தின் முதல் போஸ்டரிலேயே துணை முதல்வர் ஓ.பன்னீர் செல்வம், ஜெயலலிதாவின் சமாதிக்கு முன்பு அமர்ந்து தியானம் செய்தது போன்று, மிர்ச்சி சிவா இடம்பெற்ற காட்சியை வெளியிட்டு பரபரப்பை ஏற்படுத்தினர்.
அதன்பிறகு இந்த படத்தின் டிரைலர், பாடல் என ஒவ்வொன்றும் வெளியானபோதும் சினிமா, அரசியல் வட்டாரத்தை சேர்ந்த பல பிரபலங்களை கலாய்த்திருப்பது தெரிய வந்தது. அதோடு சென்சாரில் படத்திற்கு யு சான்று கிடைத்தது. அதையும் பாகுபலி போஸ்டருடன் ஒப்பிட்டு கலாய்த்தனர்.
தற்போது படம் ஜூலையில் வெளியாகயிருக்கும் செய்தியை வெளியிட்டுள்ள போஸ்டரில் தமிழ்ப்படம்-2 படத்தின் போட்டோவை வைக்காமல், நடிகையர் திலகம் படத்தில் சாவித்ரியாக நடித்த கீர்த்தி சுரேஷின் படத்தை வைத்து கலாய்த்துள்ளனர்.