அவன் இவன் பட வழக்கு: அம்பை கோர்ட்டில் பாலா, ஆர்யா ஆஜர்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

21 ஜூன், 2018 - 13:13 IST

எழுத்தின் அளவு:

Director-Bala,-Actor-Arya-appear-in-Ambasamuthiram-court-for-Avan-Ivan-case

7 ஆண்டுகளுக்கு முன்பு வெளிவந்த படம் அவன் இவன். பாலா இயக்கிய இந்தப் படத்தில் ஆர்யா, விஷால், ஜனனி அய்யர், மதுஷாலினி நடித்திருந்தனர். பாலா இயக்கி இருந்தார், கல்பாத்தி அகோரம் தயாரித்திருந்தார். இந்தப் படத்தில் நெல்லை மாவட்டத்தில் உள்ள சிங்கம்பட்டி ஜமீன் பற்றியும் மற்றும் காரையாறு சொரிமுத்து அய்யனார் கோவில் பற்றியும் தவறாக சித்தரித்திருப்பதாக கூறி சிங்கம்பட்டி ஜமீன் குடும்பத்தைச் சேர்ந்தவர்கள் அம்பாசமுத்திரம் கோர்ட்டில் வழக்கு தொடர்ந்தனர்.

இந்த வழக்கு கடந்த சில ஆண்டுகளாக நடந்து வருகிறது. பலமுறை சம்மன் அனுப்பியும் இயக்குனர் பாலா, நடிகர் ஆர்யா மற்றும் தயாரிப்பாளர் கல்பாத்தி அகோரம் ஆகியோர் கோர்ட்டில் ஆஜராகவில்லை. கடந்த மாதம் இந்த வழக்கு விசாரணைக்கு வந்தபோது ஜூன் 20ந் தேதி சம்பந்தப்பட்டவர்கள் நேரில் ஆஜராக வேண்டும் இல்லாவிட்டால் கைது வாரண்ட்டு பிறப்பிக்கப்படும் என்று நீதிபதி உத்தரவிட்டார்.

இதைத் தொடர்ந்து இயக்குனர் பாலா, நடிகர் ஆர்யா, தயாரிப்பாளர் கல்பாத்தி அகோரம் ஆகியோர் நேற்று அம்பாசமுத்திரம் கோர்ட்டில் ஆஜர் ஆனார்கள். அவர்களிடம் நீதிபதி விசாரணை நடத்தினார்.

"அவன் இவன் முழுக்க முழுக்க கற்பனை கதைதான் யாரையும் குறிப்பிட்டு எடுக்கவில்லை" என்று பாலா தரப்பில் தெரிவிக்கப்பட்டது. பின்னர் மூவருக்கும் குற்றப்பத்திரிகை நகல் கொடுக்கப்பட்டது. வழக்கு விசாரணை இன்று மீண்டும் நடக்கிறது.

directorbala

actorarya

avaninvancase

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய