சொத்து மதிப்பை வெளியிட்ட பவன் கல்யாண் | மஞ்சும்மேல் பாய்ஸ் தயாரிப்பாளர்களின் மீது வழக்கு பதிவு | ரஜினியை சந்தித்து ஆசி பெற்ற சாய் தன்ஷிகா பட ஹீரோ | ஜோதிகா, சமந்தா, ஐஸ்வர்யா ராஜேஷ் நடிக்க தயங்கிய கேரக்டரில் ஆண்ட்ரியா : கோபி நயினார் | ஹீரோயின் ஆன சஞ்சனா சிங் | நட்சத்திர ஓட்டலில் திருமணநாளை கொண்டாடிய அஜித் - ஷாலினி ஜோடி | சிவாஜியின் மகன் சாம்பாஜி வாழ்க்கை சினிமா ஆகிறது | மூத்த நடிகர்களை களமிறக்கும் ஆடுகளம் சீரியல் | டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி | புதுவீட்டில் பிறந்தநாள் கொண்டாடிய ரச்சிதா |
கிக்காஸ் எண்டர்டெயின்மெண்ட் நிறுவனத்தின் மூலம் அதர்வா முதன்முறையாக தயாரித்து நடிக்கும் படம் - செம போத ஆகாதே. பாணா காத்தாடி படத்தின் மூலம் அதர்வாவை ஹீரோவாக அறிமுகப்படுத்திய பத்ரி வெங்கடேஷ் இயக்கும் படம் இது.
செம போத ஆகாத படத்தில் மிஷ்டி, அனைகா சோதி ஆகிய இரு ஹீரோயின்கள் அதர்வாவுக்கு ஜோடியாக நடிக்கின்றனர். மேலும், கருணாகரன், எம்.எஸ்.பாஸ்கர், நரேன், ஜான் விஜய், யோகி பாபு, மனோ பாலா, திவ்யர்தஷினி ஆகியோர் பலர் நடித்துள்ளனர். இப்படத்திற்கு யுவன் ஷங்கர் ராஜா இசையமைத்துள்ளார்.
இப்படம் ஏற்கனவே பலமுறை ரிலீஸ் தேதி முடிவு செய்யப்பட்டு பின்னர் தள்ளிவைக்கப்பட்டது. பிறகு இம்மாதம் 18 அன்று படத்தை வெளியிட முடிவு செய்திருந்தனர். அதே தேதியில் பாஸ்கர் ஒரு ராஸ்கல், காளி ஆகிய படங்கள் வெளியாவதால் செம போத ஆகாதே படத்துக்கு போதிய தியேட்டர்கள் கிடைக்கவில்லை.
இந்த நிலையில், இப்படத்தின் வெளியீட்டு தேதியை இம்மாதம் 25 ஆம் தேதிக்கு தள்ளி வைத்துள்ளனர். மே 25ம் தேதி ஜி.வி.பிரகாஷ் நடித்துள்ள செம படம் வெளியாகிறது. அதே தேதியில் செம போதை ஆகாதே படமும் வெளியானால் ரசிகர்கள் குழப்பம் அடைய வாய்ப்பிருக்கிறது.